އެމްއެންޑީއެފް ސަދަން އޭރިއާގެ ކޮމާންޑަރު ކާނަލް ވައިސް ވަޙީދު އައްޑޫ ސިޓީ ކައުންސިލާ ބައްދަލުކޮށްފި އެވެ.
މި ބައްދަލުވުމަކީ އެމްއެންޑީއެފުން އައްޑޫ ސިޓީގައި މި އަހަރު ހިންގުމަށް ހަމަޖެހިފައިވާ ޙަރާކާތްތަކާއި އިޖްތިމާޢީ ގޮތުން ކުރަމުންދާ މަސައްކަތްތަކާއި އަދި ހިންގުމަށް ރޭވިފައިވާ ބައެއް އެވެއަނަސް ޕްރޮގްރާމްތަކާ ބެހޭ ގޮތުން އައްޑޫ ސިޓީ ކައުންސިލަށް އަލަށް ހޮވިވަޑައިގެންނެވި ކައުންސިލަރުންނާ އެކު މަޝްވަރާކޮށްލެއްވުމަށް ބޭއްވުނު ބައްދަލުވުމެކެވެ.
އައްޑޫސިޓީ ކައުންސިލް އިދާރާގައި ބޭއްވުނު މި ބައްދަލުވުމުގައި ކައުންސިލުން ވަނީ އެމްއެންޑީއެފުން އައްޑޫ ސިޓީގައި ކުރިއަށް ގެންދިއުމަށް ހަމަޖެހިފައިވާ ޙަރާކާތްތަކުގައި އެކައުންސިލްގެ ފަރާތުން ފުރިހަމަ އެހީތެރިކަމާއި އެއްބާރުލުން ދެއްވާނެ ކަމަށް ވިދާޅުވެފަ އެވެ.
ސަދަން އޭރިއާގެ ކޮމާންޑަރު ކާނަލް ވައިސް ވަޙީދު އައްޑޫ ސިޓީގެ ކައުންސިލާ އެކު ބޭއްވި މި ބައްދަލުވުމުގައި އެމްއެންޑީއެފް ސަދަން އޭރިއާގެ ޑެޕިއުޓީ ކޮމާންޑަރު ކެޕްޓަން މުޙައްމަދު ޝުޖާޢު އާއި އައްޑޫ ސިޓީގެ މޭޔަރު ޢަބްދުﷲ ސާދިޤާއި ކައުންސިލްގެ މެންބަރުން ބައިވެރިވެވަޑައިގެންނެވި އެވެ.