(މާޗް 10، 2014 ވަނަ ދުވަހުގެ ބަޔާ ގުޅޭ)
ރާއްޖެތެރޭގެ ސްކޫލްތަކުން އެކަށީގެންވާ ތައުލީމް ލިބެން ނެތުމާއި ގްރޭޑް 7 އިން މައްޗަށް ކިޔެވުމުގެ ފުރުސަތު ވެސް ނެތް ދުވަސްވަރު، ކިޔަވަން ދަރިން މާލެ ފޮނުވި މައިންބަފައިންނާއި އެ ދަރިންގެ ހައްގުގައި ރަށް ދޫކޮށް މާލެ އަށް ހިޖުރަ ކުރި މައިން އެ އުފުއްލިި ދުއްތުރާތައް އަޅުގަނޑުމެން މިއަދު ހަނދާން ކުރަން ޖެހޭނެ އެވެ.
އެއީ ހަމައެކަނި އެބައި މީހުންގެ ދަރިން ހައްގުގައި ބަޔަކު މީހުންވި ގުރުބާނީއެއް ކަމުގައި ބެލެވޭކަށް ނެތެވެ. މިއަދު ރާއްޖޭގެ ތައުލީމަށް ލިބިފައިވާ ކުރިއެރުމުގެ އެންމެ ބޮޑު ހިއްސާއެއް ހައްގުވާ ފަރާތެވެ.
އަދު ބައެއް ސިޔާސީ ބޭފުޅުން ރާއްޖޭގެ ތައުލީމުގެ ކުރިއެރުން ސިޔާސީ ހަތިޔާރެއްގެ ގޮތުގައި ބޭނުން ކުރަމުންދާ އިރު، ރާއްޖެތެރޭގެ މި ދެންނެވި ނިކަމެތި ބައިންބަފައިން އެ ބައި މީހުންގެ ދަރިންގެ ހައްގުގައި ކަމަށް ވިޔަސް ގައުމަށް މިކޮށް ދިން އަގުހުރި ހިދުމަތެވެ.
މުޅި ރާއްޖެތެރެއަށް ނިސްބަތްވާ މި ވާހަކަތައް އަޅުގަނޑު ލިޔުނަސް އައްޑޫގެ ރައްޔިތުންނަކީ މިކަމުގައި އެންމެ ދަތި އުނދަގޫ ތަހައްމަލް ކުރި މީހުންނެވެ. ދަރިންގެ ތައުލީމަށްޓަކައި މާލެ އަށް ހިޖުރަކޮށް ރާއްޖޭގެ މާ ރަށެއް "ފަޅު" ވެދިޔަ ވާހަކަ އަދި ލިޔެވިފައެއް ނެތެވެ. އެހެން ނަމަވެސް އެއީ ހަގީގަތެކެވެ. މި ބީދައިން އައްޑޫ ހުޅުދޫ "ފަޅުވެ" ދިޔަ އެވެ.
ފަތުރުވެރިކަމުގެ ހުވަފެން
މައުމޫނުގެ ދައުރަކުން އައްޑޫ މީހުން މަރުހަބާކީ ވަރަށް އުންމީދާ އެކުގަ އެވެ. އައްޑޫ މީހުންނަށް ވަޒީފާގެ ފުރުސަތު ހޯއްދަވައި ދެއްވައި، އަތޮޅުގެ އިގުތިސާދު ދިރުވައި ދަމަހައްޓަވާ ދެއްވާނެ ކަމުގެ ޔަގީންކަމާ އެކުގަ އެވެ.
ވެރިކަން ލިބިވަޑައިގަތުމާ އެކު މައުމޫނުގެ ސަރުކާރުން އައްޑޫ ރައްޔިތުންނަށް އެ ވައުދުތައް ވެވަޑައިގަތެވެ. އަދި އެތަކެއް ފަހަރު މަތިން އެ ވައުދުތައް ފައްފައް ކުރެއްވި އެވެ. އެ މަނިކުފާނަށް ވެރިކަން ލިބިވަޑައިގެންނެވި އިރު، އައްޑޫގެ ރައްޔިތުން ތިބި ހާލުގެ މައްޗަށް ހަމްދަރުދީވެ ވަޑައިގެންނެވި އެވެ.
ވުމާ އެކު އައްޑޫގައި އިންވެސްޓް ކުރާނެ ބޭރުގެ ވިޔަފާވެރިން ހޯއްދެވުމާއި ގަމާއި ވިލިގިލީގައި އަދި ހެރަތެރަގައި ޓޫރިޒަމްގެ ވިޔަފާރި ފެއްޓެވުމަށް މަސައްކަތް ކުރެއްވި އެވެ.
ގަމުގެ އެއާޕޯޓް އިންޓަނެޝަނަލް އެއާޕޯޓަކަށް ތަރައްގީ ކުރެއްވުމުގެ މަސައްކަތާއި ބަންކަރިން ޕޯޓެއް ހެއްދެވުން ފަދަ ބޮޑެތި މަޝްރޫއުތައް ފެއްޓެވުމަށް ކެނޑިނޭޅި ޕްލޭންތައް ހައްދަވައި، މަޝްރޫއުތައް ރާއްވަވަމުން ގެންދެވި އެވެ. (ނުނިމޭ)
ނޯޓް: މިއީ ފޭދޫ އަލީ ފަހުމީ އަހުމަދު ސެޕްޓެމްބަރު 25، 2013 ގައި ނެރުއްވި "އައްޑޫ ގަން ހިންގުން" މި ފޮތެވެ.
"އައްޑޫ ލައިވް" ގައި މި ފޮތް ސިލްސިލާއެއްގެ ގޮތުގައި ޝާއިއު ކުރަން ހަދިޔާ ކުރެއްވި ކަމަށްޓަކައި، މި ނޫހުގެ ފަރާތުން ފަހުމީ އަށް ހާއްސަ ޝުކުރެއް