މެއި މަހު ރާއްޖޭގައި ބާއްވާ އޭއެފްސީ ޗެލެންޖް ކަޕް އިޝްތިހާރު ކުރުމުގެ މަސައްކަތްތައް މިހާރު ވެސް ފަށާފައިވާ ކަމަށާއި އައްޑޫގައި ވެސް މި މަސައްކަތްތައް ކުރިއަށް އޮތް ދުވަސްތަކުގައި ފެށިގެން ދާނެ ކަމަށް ކުޅިވަރާ ބެހޭ ވަޒީރު މުހައްމަދު މަލީހް ޖަމާލް ވިދާޅުވެއްޖެ އެވެ.
މިނިސްޓަރު ވިދާޅުވީ މި މަހުގެ 5-9 އަށް ޖަރުމަނުގައި ބޭއްވި އައިޓީބީ ފެއާ ތެރޭގައި ވެސް މި މުބާރާތް ވަރަށް ބޮޑަށް އިޝްތިހާރުކޮށް ޕްރޮމޯޓް ކުރި ކަމަަށެވެ.
ަމަލީހް ވިދާޅުވީ މުބާރާތް އިޝްތިހާރު ކުރުމުގެ މަސައްކަތް އައްޑު އާއި މާލޭގެ އިތުރުން މުޅި ރާއްޖޭގައި ވެސް ވަރަށް ބޮޑު އިސްކަމެއް ދީގެން ކުރައްވާނެ ކަމަށެވެ.
"އެގޮތުން ބިލްބޯޑްތަކާއި ބެނާތައް ކުރިއަށް ދުވަސްތަކުގައި ފެންނަން ފަށާނެ،" މިނިސްޓަރު ވިދާޅުވި އެވެ.
މެއި މަހު ފަށާ މުބާރާތުގެ މެޗްތައް ކުޅެނީ މާލޭގަ އާއި އައްޑޫގަ އެވެ.
އެގޮތުން މެޗްތައް ކުޅޭ ހިތަދޫ ޒޯން ސްޓޭޑިއަމް ތަރައްގީ ކުރުމުގެ މަސައްކަތް މިހާރު އަންނަނީ ކުރަމުންނެވެ.