ފަހަކަށް އައިސް މޫނު ރީތިކޮށް ދޮވުމަށްޓަކައި ހުރިހާ ހަމަކާ ގުޅޭ ގޮތުން ތަފާތު ކްރީމްތައް ބާޒާރުން ލިބެން ހުރެ އެވެ. ހަންގަނޑާ ގުޅޭ ރަނގަޅު ކްލީނާއެއް ބޭނުން ކުރުމުން މޫނުގައި ހުންނަ ތެލާއި މޫނުގައި ހުންނަ ޖަރާސީމްތައް ފިލައިގެން ގޮސް މޫނު ރީތިކޮށް ހުރުމަށް އެހީތެރިވެ ދެ އެވެ.
* މޫނު ދޮންނާނެ ގޮތް:
ސްޓެޕް: 1
ފުރަތަމަ ކަމަކަށް ކުރަން ޖެހޭ ކަމަކީ މޫނު ދޮވުމުގެ ކުރިން ވީހާ ވެސް ރަނގަޅަކަށް އަތް ދޮވުމަށެވެ. އެއީ އަތުގައި ގިނަ އަދަދަކަށް ޖަރާސީމް އެކުލެވިގެންވާތީ އެވެ. އަތް ނުދޮވެ މޫނު ދޮވުމުން އަތުގައި ހުންނަ ޖަރާސީމް މޫނަށް އެރުމުގެ ފުރުސަތު ބޮޑުވެ އެވެ.
ސްޓެޕް: 2
މޫނު ދޮންނަން ފެށުމުގެ ކުރިން ރީތި ކޮށް ބޯ އައްސާލާށެވެ. އޭގެ ބޭނުމަކީ މޫނު ދޮވުމަށް ފަސޭހަވުމުގެ އިތުރުން މޫނު ދޮންނަ ކްރީމް ބޮލުގެ އިސްތަށިގަނޑުގައި ޖެހުމުން ދުރުވުމެވެ.
ސްޓެޕް: 3
މޫނުގައި ކޮށްފައި ހުރި މޭކަޕްތައް ފިލުވާލާށެވެ. ފުރަތަމަ ކަމަކަށް ލޮލުގެ ކައިރީގައި ކޮށްފައި ހުރި މޭކަޕްތައް ފިލުވާލާށެވެ.
ސްޓޭޕް: 4
ތާފަނާ ފެން ކޮޅަކުން މޫނު ތެންމާލާށެވެ. އޭގެ ބޭނުމަކީ މޫނުގެ ޕޯސްތައް އޯޕަން ކޮށްލުމެވެ.
ސްޓެޕް: 5
މޫނުގައި ރަނގަޅަށް ހޭކޭ ވަރަށް ފެއިޝަލް ކްރީމް ކޮޅެއް އަތަށް އަޅާލުމަށް ފަހު ރަނގަޅަށް މޫނުގައި އުނގުޅާށެވެ. މޫނުގައި އުނގުޅާއިރު ރަނގަޅަށް މޫނުގެ ޓޯން ހުންނަ ގޮތަށް އުނގުޅުމަށް ހަނދާން ބަހައްޓާށެވެ.
ސްޓެޕް: 6
މޫނު ރަނގަޅަށް ދޮވެލުމަށް ފަހު ރީތިކޮށް ފޮހެލާށެވެ. މޫނު ދޮވެލުމަށް ފަހު ރަނގަޅު މޮއިސްޗާއެއް ބޭނުން ކުރާށެވެ.
* ވިސްނަންވީ ބައެއް ކަންތައްތައް:
– މޫނު ރީތިކޮށް ސާފުކޮށް ބެހެއްޓުމަށް ދުވާލަކު ދެ ފަހަރު ރަނގަޅަކަށް މޫނު ދޮންނާށެވެ.
– މާ ބޮޑަށް ހޫނު އަދި މާ ފިނި ފެނުން މޫނު ނުދޮންނާށެވެ.
– މޫނު ސާފު ކުރުމުގައި މާ ބޮޑަށް މޫނު ސާފު (އޯވާ ކްލީން( ނުކުރާށެވެ.
– މޫނު ދޮންނަށް ބޭނުންކުރާ ބާވަތްތަކުގެ ތެރެއިން އަލްކަހޯލް ނުހިމެނޭ އެއްޗެއް ބޭނުން ކުރާށެވެ.
– މޫނު ދޮންނަށް ބޭނުން ކުރާ އެއްޗަކީ ހަމާ ގުޅޭ އެއްޗެއްތޯ ބަލާށެވެ.