ހިތަދޫ ރީޖަނަލް ހޮސްޕިޓަލުގެ ލެބޯޓަރީގައި ހުރި ބައެއް މެޝިނަރީޒްތައް މައްސަލަ ޖެހި މަރާމާތު ނުކުރެވި ހުރުމުގެ ސަބަބުން ގިނަ ޓެސްޓްތައް ނެހެދޭ ކަމަށް ރީޖަނަލް ހޮސްޕިޓަލުން ބުނެފިއެވެ.
ހޮސްޕިޓަލްގެ އިސް އޮފިޝަލަކު މިއަދު ވިދާޅުވީ މެޝިންތަކުގައި މައްސަލަ ޖެހުމުގެ ސަބަބުން އާއްމުކޮށް ހަދަން ޖެހޭ ކޮލެސްޓްރޯލް ޓެސްޓުވެސް ނެހެދޭ ކަމަށެވެ.
"އައްޑޫލައިވް"އަށް މައުލޫމާތު ލިބިފައިވާ ގޮތުގައި ހޮސްޕިޓަލުން ގިނަ ޓެސްޓްތައް ނެހެދޭތާ ހަފްތާއަކަށް ވުރެ ގިނަ ދުވަސްވެއްޖެއެވެ.
ހޮސްޕިޓަލުން ގިނަ ޓެސްޓްތައް ނެހެދޭތީ އެފަދަ ޓެސްޓްތައް މިހާރު ހައްދަމުން ދަނީ އައިއެމްޑީސީ މެދުވެރިކޮށެވެ.
އޮފިޝަލް ވިދާޅުވީ މެޝިނަރީޒް މަރާމާތު ކުރުމުގެ މަސައްކަތް ހެލްތު މިނިސްޓްރީގެ އެހީއާއި އެކު ވަރަށް ބާރަށް ކުރަމުން އަންނަކަމަށެވެ. އަދި އަންނަ ހޮނިހިރު ދުވަހުން ފެށިގެން ގިނަ ޓެސްޓްތައް ހެދެން ފަށާނެކަމަށް އޮފިޝަލް ވިދާޅުވިއެވެ.