އެސްޓީއޯ އިން މިހާރު ކުރިއަށް ގެންދާ ޕްރޮމޯޝަނުގައި ވިއްކާ ފިލިޕްސް ބްރޭންޑްގެ އުފެއްދުންތަކަށް ހާއްސަ ޑެމޯތަކާ އެކު، ޕްރޮމޯޝަން އިޝްތިހާރު ކުރަން މަރަދޫފޭދޫ އެސްޓީއޯ ފިހާރައިން ފަށައިފި އެވެ.
އެގޮތުން މިއަދު މެންދުރު ފަހު 2:30 އިން ފެށިގެން 4:00 އަށް ޑެމޯ ކުރިއަށް ގެންގޮސްފައިވެ އެވެ. މި ހަރަކާތުގެ ތެރޭގައި އެތަނުން ވިއްކާ ގްރިލްތަކުން ބާބަކިއު ހަދައި ރަހަ ދެއްކުމުގެ އިތުރަށް ފްރަޔާއިން ޗިޕްސް ފަދަ ތަކެތި ތައްޔާރުކޮށް އާންމުންނަށް ރަހަ ދައްކާފައިވެ އެވެ.
މިކަން ކުރިއަށް ގެންގޮސްފައި ވަނީ އެސްޓީއޯ މަރަދޫފޭދޫ ފިހާރައިގެ ބޭރުގަ އެވެ. އަދި މި ޑެމޯގައި އެތަނުން ވިއްކާ ތަފާތު ރަހަތަކުގެ ކޮފީ އާއި ކޮކޯގެ ބާވަތްތަކުން ތައްޔާރުކޮށްފައިވާ މިލްކްޝޭކް ވެސް އާންމުންނަށް ޓެސްޓް ކުރުމުގެ ފުރުސަތު ދީފައިވެ އެވެ.
މި މަހުގެ ނިޔަލަށް ކުރިއަށް މި ޕްރޮމޯޝަން ކުރިއަށް ގެންދާ އިރު، އަންނަ ބުރާސްފަތި ދުވަހު ވެސް މިއަދު ބޭއްވި ކަހަަލަ ޑެމޯއެއް ކުރިއަށް ގެންދަން ވަނީ ނިންމައިފަ އެވެ. މިއަދު ވެސް ގިނަ ބައެއްގެ ތަރުހީބު މިކަމަށް ލިބިފައިވެ އެވެ.
އަދި ޕްރޮމޯޝަނުގައި ވިއްކާ ތަކެއްޗާ ބެހޭ ގޮތުން ވެސް އާންމުންނަށް އެސްޓީއޯ މަރަދޫފޭދޫ ފިހާރައިގެ މުވަައްޒަފުން މައުލޫމާތު ދީފައިވެ އެވެ.