ރާއްޖޭގެ ފުރަތަމަ ސިޔާސީ ޕާޓީ، އެމްޑީޕީ އުފެއްދުމުގެ އެއް ބާނީ މުހައްމަދު ލަތީފު (ގޯގޯ ލަތީފު) އަވަހަރާވެއްޖެ އެވެ.
އޭނަ އަވަހާރަވުމާ ގުޅިގެން އެ އެ ޕާޓީގެ މިހާރުގެ ޗެއާޕަސަން ފައްޔާޒް އިސްމާއީލް ވެސް ހިތާމަ ފާޅުކޮށް ޓްވީޓްކޮށްފައިވެ އެވެ. އެ ޓްވީޓްގައި ވިދާޅުވެފައި ވަނީ ލަތީފަކީ ޕާޓީ ވުޖޫދަށް ގެނެސް ދިވެހި ރައްޔިތުން ގެ އިންސާނީ ހައްގުތައް ހޯދައި ދިނުމަށް ގިނަގުނަ މަސައްކަތްތަކެއް ކުރެއްވި އަދި އަގުނުކުރެވޭ ގުރުބާނީތަކެއް ވެފައިވާ ހިއްވަރުގަދަ ދިވެހި ދަރިއެއް ކަމަށެވެ.
އެމްޑީޕީގެ ފައުންޑާ މެމްބަރ މުހައްމަދު ލަތީފް އަކީ މި ޕާޓީ ވުޖޫދަށް ގެނެސް ދިވެހިރައްޔިތުން ގެ އިންސާނީ ހައްގުތައް ހޯދާދިނުމަށް ގިނަގުނަ މަސައްކަތްތަކެއްކުރައްވާ އަދި އަގުނުކުރެވޭ ގުރުބާނީ ތަކެއް ވެފައިވާ ހިއްވަރުގަދަ ދިވެހި ދަރިއެކެވެ. إِنَّا لِلّهِ وَإِنَّـا إِلَيْهِ رَاجِعونَ.
— Fayyaz Ismail (@faya_i) July 3, 2022
ސްރީ ލަންކާގައި ދިރިއުޅުއްވަމުން ގެންދެވި ލަތީފު އެ ގައުމުގައި އަވަހާރަވީ އާލާސްކަންފުޅާ ވެސް އުޅުއްވާތާ ދުވަސްތަކެއް ފަހުންނެވެ.
Alhugaduge hayaathuga dhimaavi varah hiyheyo,thedhuveri, vafaatheri,visnuntherii adhi ehaame hivvarugadha eh beyfulhakee Thinadhoo Mohamed Latheef.Siyasee gina kankamuge heyo lafaadhevvi baiverieh.Maaiy Allah marhoom ah suvaruge minvarukuravva,aaila ah kehtherikan dhevvashi.Ameen
— Mohamed Nasheed (@MohamedNasheed) July 3, 2022
އޭނަ އަވަހާރަވުމާ ގުޅިގެން އެމްޑީޕީގެ އެކިއެކި އިސް ބޭފުޅުންނާއި ސިޔާސީ ގިނަ ބޭފުޅުން ގެންދަވަނީ ތައުޒިޔާ ދަންނަވަމުންނެވެ.
އެމްޑީޕީގެ އެއް ފައުންޑަރ މެންބަރު އަދި ރާއްޖެއަށް ޑިމޮކްރަސީ ގެނައުމުގައި ގިނަ މަސައްކަތްތައް ކޮށްދެއްވި މުޙައްމަދު ލަޠީފު އަވަހާރަވި ޚަބަރު އެހީ ފުންހިތާމައާ އެކު. މަރްޙޫމަށް މާތް ﷲ ސުވަރުގޭގެ ދާއިމީ ނިޢުމަތް މިންވަރުކުރައްވައި ޢާއިލާއަށް ކެތްތެރިކަން ދެއްވާށި. އާމީން
— Ibrahim Mohamed Solih (@ibusolih) July 3, 2022
އެމްޑީޕީ ވުޖޫދަށް ގެނެސް ސިޔާސީ މަސައްކަތްތައް ރާއްޖޭގައި ފުޅާކުރުމުގެ ދޮރު ގޯގޯ ލަތީފު ހުޅުއްވައި ދެއްވިޔަސް އޭނަ އަކީ ސިޔާސީ މަސައްކަތްތަކުގައި އަމަލީ ގޮތުން އެހާ ބޮޑަށް އުޅުއްވި ބޭފުޅެއް ނޫނެވެ. އެކަމަކު ގދ. ތިނަދު އަށް އުފަން ލަތީފަކީ 1989 ވަނަ އަހަރު ރައްޔިތުުންގެ މަޖިލިސް މެމްބަރުކަންވެސް ކުރައްވާފައިވާ ބޭފުޅެކެވެ. އަދި ފުރަތަމަ އުފުދުނު އެމްޑީޕީގެ ވެރިކަމުގައި ހިއުމަން ރައިޓްސް އެމްބެސެޑަރުގެ މަގާމު ވެސް ފުރުއްވާފައިވައިވެ އެވެ.