މަންމަ އާ ހަވާލުުނުކޮށްގެން ފަސް މަހުގެ ކުއްޖެއްގެ ބައްޕައަކު ހޯދުމުގެ މަސައްކަތް ފުލުހުން ފަށާފައިވާ އިރު، ބިދޭސީ އަނބިމީހާ ވަރި ކުރަން ކޯޓަށް ހުށަހަޅާފައިވާ ކަމަށް އެނގިއްޖެ އެވެ.
ފަސް މަހުގެ ކުއްޖާ މަންމަ އާ ހަވާލު ކުރަން ފެމިލީ ކޯޓުން އެ ކުއްޖާގެ ބައްޕަ މަރަދޫ ކަންމަތީގޭ އަހުމަދު ޝަރުއާން، 32، މައްޗަށް މި މަހުގެ 10 ވަނަ ދުވަހު އަމުރު ކުރި ނަމަވެސް، އޭނާ ދަރިފުޅު ހަވާލު ނުކޮށްގެން އުޅެނީ "ދަރިފުޅު ދީނުން ބޭރުވެދާނެތީ" ކަމަޑް ޝަރުއާންގެ އާއިލާގެ މީހެއްގެ ފަރާތުން ވެސް "އައްޑޫ ލައިވް" އަށް އެނގިފައިވެ އެވެ. އަދި އަންހެނުން ވަރި ކުރަން އޭނާ ކޯޓަށް ވެސް ހުށަހަޅާފައިވާ ކަމަށް އެނގިފައިވެ އެވެ.
އެހެން ނަމަވެސް މިކަމާ ބެހޭ ގޮތުން އިތުރަށް ވާހަކަ ދައްކާކަށް އާއިލާ އިން ބޭނުމެއް ނުވެ އެވެ. ޝަރުއާންގެ އަންހެނުންނަކީ ޖަރުމަނުގެ ރައްޔިތެއް ކަމަށްބާ ތާނިއާ އެވެ.
ފަސް މަހުގެ ކުއްޖާ ގޮވައިގެން ޝަރުއާން ފިލާފައި ވަނީ އެ ކުއްޖާ އިސްލާމް ދީން ނޫން ދީނަކަށް ތަރުބިއްތު ކުރުމުގެ ވިސްނުން އަންހެނުން ތާނިއާ ގެންގުޅޭތީ ކަމަށް ބުނެ ސޯޝަލް މީޑިއާ ވެސް ދަނީ ތަފާތު ވާހަކަތައް ފެތުރެމުންނެވެ.
އެނގިފައިވާ ގޮތުގައި އެ ކުއްޖާ ގޮވައިގެން ދާދި ފަހުން ޝަރުއާން އައްޑު އަށް ވެސް އައަ އެވެ. އެކަމަކު މިހާރު އޭނާ އައްޑޫގައި ހުރި ކަމެއް ނުވަތަ ނޫން ކަމެއް ކަށަވަރުވާ ގޮތެއް ނުވި އެވެ.
ފުލުހުން ވަނީ އޭނާ އާ ބެހޭ އެއްވެސް މައުލޫމާތެއް ލިބިފައިވާ ފަރާތެއްވާ ނަމަ އެކަން ފުލުހުންނާ ހިއްސާ ކުރަން އެދިފަ އެވެ.