ލޯޑް ބޮޑުވާ ކަމަށް ބުނެ، އައްޑޫގެ ގުޅިފައިވާ ރަށްތަކުން އެކި ގަޑިގަޑީގައި ކަރަންޓް ކަނޑަމުން ދާތީ ބައެއް އާންމުން ޝަކުވާ ކުރަން ފަށައިފި އެވެ.
މީގެ ކުރިން ވެސް ލޯޑް މަތިވާތީ ގުޅިފައިވާ ރަށްރަށުން ފެނަކަ ކޯޕަރޭޝަނުން ހިންގާ މަރުކަީ އިންޖީނުގެއިން ކަރަންޓް ކަނޑަމުން ގޮސްފައިވެ އެވެ.
އެހެން ނަމަވެސް މިއީ އާންމުންނަށް ވަރަށް ބޮޑަށް ދަތިވާ ކަމަކަށްވާތީ، ކަރަންޓަށް އެދެވޭ ހައްލެއް ނާންނާތީ އާންމުންގެ ޝަކުވާތައް ގިނަ އެވެ.
ފެނަކަ އިން ބުނަނީ ކަރަންޓް ކަނޑަމް ޖެހެނީ، ގުޅިފައިވާ ރަށްތަކަށް މިހާރު ކަރަންޓް ދޭ ހަތް އިންޖީނަށް ލޯޑް ބޮޑުވާތީ ކަމަށެވެ. އެހެންވެ ވީހާ ވެސް މަދުން ކަރަންޓް ބޭނުން ކުރަން ފެނައިން ވަނީ މީގެ ކުރިން ވެސް އިލްތިމާސްކޮށްފަ އެވެ.
ހާއްސަކޮށް މެންދުރު ގަޑިއަކީ ވަރަށް ބޮޑަށް ލޯޑް މަތިވާ ވަގުތަަކަށްވާތީ، އެ ގަޑީގައި ކަރަންޓް މަދުން ބޭނުން ކުރަން އެދިފައިވެ އެވެ.
އައްޑޫގެ ކަރަންޓްގެ ހާލަތު މި ހިސާބަށް ގޮސްފައި ވަނީ ކަރަންޓް ބޭނުން ކުރާ ނިސްބަތާ ގާތަށް ވެސް އިންޖީނު ގޭގެ ކެޕޭސިޓީ އިތުރު ނުކުރެވޭތީ އެވެ.