ސ. ފޭދޫ މެޖިސްޓްރޭޓް ކޯޓްގެ ބައެއް މަސައްކަތްތައް ކުރާނެ ފަރާތެއް ހޯދަން ކޯޓިން އިއުލާންކޮށްފި އެވެ.
ކޯޓުން ނެރުނު އިއުލާނެއްގައި ބުނީ އެ ތަނުގެ ދިދަ ދަނޑި ހަރުކުރުމާއި އޭސީ ހަރުކުރުމާއި ރޭނުމުގެ މަސައްކަތްކޮށް ދޭނެ ފަރާތެއް ބޭނުންވާ ކަމަށެވެ.
މިކަމަށް ޝައުގުވެރިވާ ފަރާތްތަކުން މި މަހުގެ 24 ވަނަ ދުވަހު މައުލޫމާތު ސާދު ކުރުމަށް ފަހު، 27 ވަނަ ދުވަހު ޕްރޮޕޯސަލް ހުށަހަޅަން ޖެހެ އެވެ.
މައުލޫމާތު ދިނުން އޮންނާނީ 24 ވަނަ ދުވަހު ހެނދުނު 10:30 ގަ އެވެ.
ކޯޓުން ބުނީ މައުލޫމާތު ސާފު ކުރަން ހާޒިރު ނުވާ ފަރާތްތަކަށް ވެސް ޕްރޮޕޯސަލް ހުށަހެޅުމުގެ ފުރުސަތު އޮންނާނެ ކަމަށެވެ.
ފޭދޫ ކޯޓް މި މަހުގެ އެއް ވަނަ ދުވަހުން ފެށިގެން ހިންގަނީ ފޭދޫ ކެނަރީވިލާގަ އެވެ.