އައްޑޫ ސިޓީ ކައުންސިލް އިދާރާ އިން ދޫކުރާ ކަނޑު އުޅަނދުފަހަރު ދުއްވުމުގެ ލައިސަންސާއި އެއްގަމު އުޅަނދު ދުއްވުމުގެ ލައިސަންސް ދޫކުރުމަށްޓަކައި، އޭގެ އަމަލީ ޓެސްޓް ކުރާނެ އެގްޒަމިނަރުންނާއި ސާވެޔަރުން ހޯދަން އިއުލާންކޮށްފި އެވެ.
ކައުންސިލުން ނެރުނު އިއުލާނެއްގައި ބުނެފައި ވަނީ މި މަސައްކަތަށް ނަގާ ފަރާތްތަކަށް ކަނޑު އުޅަނދު ދުއްވުމުގެ އަމަލީ ޓެސްޓް ކުރާ ކޮންމެ ކެޓަގަރީއަކަށް 10ރ. އަދި އެއްގަމު އުޅަނދު ޓެސްޓް ކުރާ ކޮންމެ ދެ ފުރޮޅުލީ ކޮންމެ ވެހިކަލަކަށް 15ރ. އަދި ހަތަރު ފުރޮޅުލީ ކޮންމެ އުޅަނދަކަށް 25ރ. ލިބޭނެ ކަމަށެވެ. އަދި ކުރާ ކޮންމެ ސާވޭއަކަށް 25ރ. ދޭން ވެސް ވަނީ ހަމަޖައްސައިފަ އެވެ.
ކައުންސިލް އިދާރާ އިން ބުނީ ސާވެޔަރުންނަށާއި އެގްޒަމިނަރުންގެ ގޮތުގައި ކުރިމަތިލާ ފަރާތްތަކަށް ޓްރާންސްޕޯޓް އޮތޯރިޓީގެ ފަރާތުން އިންޓަވިއު ކުރާނެ ކަމަށެވެ.
އަދި މިކަމަށް ޝައުގުވެރިވާ ފަރާތްތަކަށް ކުރިމަތިލުމުގެ ފުރުސަތު މި މަހުގެ 30 ވަނަ ދުވަހާ ހަމައަށް ވަނީ ހުޅުވާލައިފަ އެވެ.