ޝާހްރުކް ހާންގެ ކުރިއަށް ހުރި ފިލްމުތަކުގެ ތެރެއިން ރާހުލް ދޮލާކިއާ ޑައިރެކްްޓް ކުރާ "ރައީސް" ގެ ބަތަލާއަކަށް ކެޓްރީނާ ކެެއިފް ހަމަޖެހިފައިވާ ކަމަށް މީޑިއާ ރިޕޯޓްތައް ބުނެފި އެވެ.
މިއީ މުޅިން ރަނގަޅު ވާހަކައެއް ނަމަ، މިއީ ޝާހް އާއި ކެޓްރީނާ އެކުގައި ކުޅޭ ދެވަނަ ފިލްމެއް ވާނެ އެވެ. އަދި މިކަމާ ބެހޭ ގޮތުން ދޮލާކިއާގެ ބަހެެއް ވެސް އަދި ލިބޭ ގޮތެއް ނުވެ އެވެ.
ޝާހްރުކާއި ކެޓްރީނާ އެންމެ ފުރަތަމަ ސްކްރީނުން ފެނުނީ މަރުހޫމް ޔާޝް ޗޯޕްޅާ 2012 ގައު ގެނެސް ދިން "ޖަބް ތަކް ހެ ޖާން" އިންނެވެ.
"ރައީސް" އަކީ ފަރްހާން އަހްތަރުގެ އެކްސެލް އެންޓަޓައިންމަންޓުން ޕްރޮޑިއުސް ކުރާ ފިލްމެކެވެ. މި ފިލްމުގެ މުހިއްމު ރޯލެއް ކުރިން ފަރްހާން ކުޅޭ ގޮތަށް ވެސް އޮތީ ހަމަޖެހިފަ އެވެ.
އެހެން ނަމަވެސް އޭނާގެ ދައްތަ ޒޯޔާ އަހްތަރު ޑައިރެކްޓް ކުރާ "ދިލް ދަޅަކް ނޭ ދޯ" ގައި އެކްޓް ކުރުމުގެ އިތުރުން، ފިލްމުގެ ޑައިލޮގްތައް ލިއުމުގައި ފަރްހާން ބިޒީވުމުން، އޭނާ "ރައީސް" ގައި ކުޅެން ހަމަޖެހުނު ރޯލް މިހާރު ވަނީ ނަވާޒުއްދީން ސިއްދީގް ހަމަޖައްސަަައިފަ އެވެ.