ސަސްޕެންސް ތްރިލާތައް އުފެއްދުމަށް މަޝްހޫރު ޑައިރެކްޓަރު ދެބޭން ކަމަށްވާ އައްބާސް/މަސްތާންގެ އާ ފިލްމަށް އަމީތާބް ބައްޗަން އާއި ސައިފް އަލީ ހާން ސޮއިކޮށްފި އެވެ.
ސިއްރުން ފުރިގެންވާ މަރުގެ ހާދިސާއެއްގެ މައްޗަށް ތައްޔާރު ކުރާ މި ފިލްމަކީ ފްރާންސްގެ މަޝްހޫރު ލިއުންތެރިޔާ އެލެގްޒެންޑްރޭ ޑޫމަސް 1884 ވަނަ އަހަރު ލިއުނު ކުލަސިކް "ދަ ކައުންޓް އޮފް މޮންޓެ ކްރިސްޓޯ" ގެ އެޑަޕްޓޭޝަނެކެވެ.
ނަމަވެސް އެ ވާހަކަ އަށް ފިލްމް ހަދާ އިރު، ސްކްރީންޕްލޭއަށް ކުދިކުދި ބައެއް ބަދަލުތައް ގެންނާނެ ކަމަށް "ރޭސް" ފްރެންޗައިޒާއި "ބާޒީގަރް" އަދި "އަޖްނަބީ" އާއި "ހަމްރާޒް" ފަދަ ކާމިޔާބް ތްރިލާތައް ބެލުންތެރިންނާ ހަމައަށް ގެނެސް ދީފައިވާ އައްބާސް/މަސްތާން ބުންޏެވެ.
މި ފިލްމަށް އަދި ނަމެއް ހަމައެއް ނުޖެހެ އެެވެ. އަދި އަމީތާބާއި ސައިފްގެ އިތުރުން، ފިލްމުގެ ކާސްޓުގައި ހިމެނެނީ ކޮން ތަރިންނެއް ކަމެއް ނޭނގެ އެވެ.
މި ފިލްމް ސިނަމާތަކަށް އަންނަ އަހަރު ގެންނަން އަމާޒު ހިފާފައިވާ އިރު، ފިލްމުގެ ޝޫޓިން އޮކްޓޯބަރު މަހު ފެށުމަށް ވަނީ ހަމަޖެހިފަ އެވެ.