ހަޔާތުގެ ބައިވެރިއަކަށް ބޭނުމީ ވަރުން އެކްޓަރު ވަރުން ދަވަން ކަހަލަ ޒުވާނަކު ކަމަށް، "މޭ ތޭރާ ހީރޯ" ގައި ވަރުންގެ ބަތަލާއެއްގެ ރޯލް ކުޅުނު އިލިއާނާ ޑި ކްރޫޒް ބުނެފި އެވެ.
އެޕްރީލް މަހުގެ 18 ވަނަ ދުވަހު ރިލީޒް ކުރަން ހަމަޖެހިފައިވާ، "މޭ ތޭރާ ހީރޯ" ގެ ޕްރޮމޯޝަނަލް އިވެންޓެއްގައި އިލިއާނާ ބުނީ ވަރުންއަކީ ހުރިހާ ގޮތުން ބެލިޔަސް މިސާލެއް ކަހަލަ ޒުވާނެއް ކަމަށެވެ.
އެގޮތުން ވަރުންއަކީ ބަލާލަން ރީތި ޒުވާނަކަށްވުމުގެ އިތުރަށް ވަރަށް އަންޑަސްޓޭންޑިން އެކްޓަރެއް ކަމަށް ވެސް "ބަރްފީ" އިން ބޮލީވުޑަށް ތައާރަފްވި އިލިއާނާ ބުންޏެވެ.
"އޭނަ އާ އެއްކޮށް މަސައްކަތް ކުރަން ވެސް ވަރަށް ފަސޭހަ. އަދި އަހަރެމެން ދެ މީހުންގެ މެދުގައި އޮތް ގުޅުން ވެސް ފިލްމް ޝޫޓް ކުރި އިރު ވަރަށް ރަނގަޅު،" އިލިއާނާ ބުންޏެވެ. "ވަރުންއަކީ ވަރަށް ޑިސިޕްލިން އަދި އެ ދަނޑިވަޅަކާ ގުޅޭ ގޮތަަށް، އެ ވަގުތަކު ދައްކަން ޖެހޭ ވާހަކައެއް ދެއްކުމަށް ސަމާލުކަން ދޭ ޒުވާނެއް. އަހަރެންގެ ހަޔާތުގެ ބައިވެރިއަކަށް ވެސް ބޭނުމީ ހަމަ ވަރުންގެ ހުރި ކަހަލަ ސިފަތަކެއް ހުރި ޒުވާނެއް،"