ސްޕެއިންގެ އަންހެނުން މިހާރު މާ ބޮޑަށް ފަލަވާތީ އެ މީހުން ހިކެން ހިތްވަރު ދިނުމުގެ ގޮތުން ސަރުކާރުން ހާއްސަ ކެމްޕޭނެއް ފަށައިފި އެވެ.
މި ކެމްޕޭންގެ އަމާޒަކީ ހުޅަނގުގެ ގައުމުތަކުގައި ލޫޅާފަތިކޮށް ތިބޭ އަންހެނުން އާންމުކޮށް މޫދާއި ޕޫލް ފަދަ ތަންތަނަށް އެރި އުޅޭ އިރު، ލައިގެން ތިބޭ ކަހަލަ އެއްޗެހި ލަދުވެތިކަމެއް ނެތި ލައިގެން އެރެވޭ ވަރަށް އެ މީހުންގެ ބައްޓަން ރީތިކުރަން ހިތްވަރު ދިނުމެވެ. ސްޕެއިންގެ އީކްއަލިޓީ މިނިސްޓްރީން ފެށި ކެމްޕޭނުގެ ޝިއާރަކީ "ސަމާ އިޒް އަވާސް ޓޫ" އެވެ.
ސްޕެއިންގެ ސޯޝަލް ސާވިސެސް މިނިސްޓަރު އައޯން ބެލަރާ ވިދާޅުވި ގޮތުގައި އަންހެނުން ހިކެން ހިތްވަރުދޭން ފެށި ކެމްޕޭނަކީ ނަތީޖާ ނެރެވޭނެ ވަރަށް އުންމީދީ ކެމްޕޭނަކަށް ވާނެ އެވެ. އަދި މިއީ ދުޅަހެޔޮ ލައިފްސްޓައިލަކަށް ވެސް ހިތްވަރުދޭ ކަމަކަށްވާތީ ގިނަ ބަޔަކު ހިކެން މަސައްކަތްކުރާނެ ކަމަށް ގަބޫލުކުރައްވާ ކަމަށް ވިދާޅުވި އެވެ.
Señores diciendo que las gordas ya podíamos ir a la playa sin permiso de Igualdad.
Claro que vamos pero asumiendo odio por enseñar un cuerpo que no es normativo
Lo que reivindicamos es que todos los cuerpos están bien, también el tuyo Manolo que no es precisamente el más bello— Ángela Rodríguez Pam 🏳️🌈 ♀️ (@Pam_Angela_) July 27, 2022
"ކޮންމެ މީހަކީ ވެސް ބީޗް ބޮޑީއެއް ހާސިލުކުރެވިދާނެ މީހެއް." މިނިސްޓަރު ވިދާޅުވި އެވެ.
ސްޕެއިންގެ ވިމެންސް އިސްޓިޓިއުޓްގެ ވެރިޔާ އެންޓޯނިއޯ މޮރިލާސް ވިދާޅުވި ގޮތުގައި އަންހެނުން މާ ބޮޑަށް ފަލަވުމަކީ ހަމައެކަނި ޖިސްމާނީ ގޮތުން ދެރައެއް ނޫނެވެ. އަދި އެއީ ހައްގުތައް ކަށަވަރުވުމަށް ވެސް ހުރަހަކަށްވާ ކަމަށް އޭނާ ވިދާޅުވި އެވެ.