ރައިސް އިބްރާހީމް މުހައްމަދު ސޯލިހު ޒިނޭކޮށް، ރާ ވެސް ހިއްޕަވާ ވީޑިއޯ އެބަހުރި ކަމަށް ކުރީގެ ރައީސް މުހައްމަދު ނަޝީދު ވިދާޅުވާތީ އެ އެއްޗެހި ނަޝީދު އާންމު ނުކޮށްގެން އުޅެނީ ހައްދަވަނީ ދޮގަށްވާތީ ކަމަށް އައްޑޫ މީދޫ ދާއިރާގެ މެމްބަރު ރޮޒައިނާ އާދަމް (ރޮޒޭ) ވިދާޅުވެއްޖެ އެވެ.
އެމްޑީޕީގެ މެމްބަރުންތަކެއް ތިއްބަވާ ވަޓްސްއެޕް ގްރޫޕްތަކަކަށް ނަޝީދު ފޮނުއްވި މެސެޖްތަކެއްގައި ޒުވާން އަންހެނަނާ ރައިސް ޒިނޭކޮށްފައިވާ ކަމަށާއި އެކަމުގެ ފޮޓޯ ވެސް އެބަހުރި ކަމަށް ވިދާޅުވެފައިވެ އެވެ. އަދި އެހެން މެސެޖެއްގައި އެ މަނިކުފާނުގެ ބަނގުރާ ހިއްޕަވާ މަންޒަރު ފެންނަ ވީޑިއޯ ވެސް އެބަހުރި ކަމަށާއި އެ ވާހަކަ ދައްކަވައިގެން ޖަލަށް ދާން ޖެހުނަސް އެތަނުގައި އޮވެވޭނެ ކަމަށް ނަޝީދު ވިދާޅުވެފައިވެ އެވެ.
ނަޝީދުގެ މިފަދަ ތުހުމަތުތަކާ ގުޅިގެން ރޮޒޭ ކުރެއްވި ޓްވީޓެއްގައި ވިދާޅުވީ ފޮޓޯތަކާއި ވީޑިއޯތައް އާންމުކުރަން ބުނީމާ އެކަން ނުކޮށްގެން އުޅެނީ އެފަދަ އެއްޗެއް ނެތީމަ ކަމަށެވެ.
Bala photo thah laashey buneema keevvetha @MohamedNasheed ah laan nukerigen ulhenee. Eyee netheema. Thi insaana hadhaa dhogu neygey meeheh mi qaumaku neiy. Livaathu koggen kokko hayyaru kureema ehen meehunnah kon varehtha baalanee? Huriyyaa huri video akaa photo eh laabala! https://t.co/9w3QOyyW9s
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) July 29, 2022
"ތި އިންސާނާ ހަދާ ދޮގު ނޭނގޭ މީހަކު މި ގައުމަކު ނެތް" ރޮޒޭ ވިދާޅުވި އެވެ.
އޭނަ ވިދާޅުވި ގޮތުގައި ނަޝީދުގެ ކޮއްކޮ ނާޒިމް ސައްތާރު އެއްޖިންސުން ގުޅުން ހިންގައިގެން ހައްޔަރުކުރުމުން ވަރު ބާލަނީ އެހެން މީހުންނަށެވެ.
"[އެހެންވީމަ މި ބުނަނީ] ހުރިއްޔާ ހުރި ވީޑިއޯއަކާއި ފޮޓޯއެއް ލާބަލަން." ރޮޒޭ ވިދާޅުވި އެވެ.
ރައީސަށް ނަޝީދު ބޮޑެތި ތުހުމަތުތަކެއް ކުރެއްވީ ކޮއްކޮ ނާޒިމް ބުރާސްފަތި ދުވަހުގެ ރޭ ހައްޔަރުކުރުމާ ގުޅިގެން ކޯފާ އިސްކުރައްވައި ބަހުގެހަމަލާތައް ދެއްވަން ފެއްޓެވުމަށް ފަހު އެވެ. ނަޝީދު ވިދާޅުވި ގޮތުގައި އެއްޖިންސުން ގުޅުން ހިންގި ކަމަށް ތުހުމަތުކޮށް ކޮއްކޮ ހައްޔަރުކުރީ ސަރުކާރުގެ ތެރޭގައި ތިބި ކަރުކަށި ފިކުރުގެ ބަޔަކު ރުއްސުމަށެވެ.