މަސްތުވާތަކެއްޗާ ދެކޮޅަށް ފުލުހުން ކުރަމުންދާ މަސައްކަތުގެ ތެރެއިން މަސްތުވާތަކެތި ކަމަށް ޝައްކު ކުރެވޭ އެއްޗެއްހުރި 10 ރަބަރު ޕެކެޓާ އެކު މީދޫން މީހަކު ފުލުހުންގެ ބެލުމުގެ ދަށަށް ގެންގޮސްފި އެވެ.
މި މައްސަލާގައި ފުލުހުންގެ ބެލުމުގެ ދަށަށް ގެންދިޔައީ އުމުރުން 43 އަހަރުގެ ފިރިހެނެކެވެ. އެކަމަކު އޭނާގެ ނަމެއް ފުލުހުން ހާމައެއް ނުކުރެ އެވެ.
އޭނާ ފުލުހުންގެ ބެލުމުގެ ދަށަށް އިއްޔެ މެންދުރު ގެންގޮސް ޗެކް ކުރި އިރު މަސްތުވާތަކެތި ކަމަށް ބެލެވޭ 10 ރަބަރު ޕެކެޓް ފެނިފައި ވަނީ އޭނާ މަސްތުގެ ހާލަތުގައި ހުރި ކަމަށް ތުހުމަތު ކުރެވިގެން މަޑު ކުރަން އެންގުމު ންވެސް މަޑުނުކޮށް ފިލަން މަސައްކަތް ކުރި ވަގުތު އެއްލާލި އެއްޗެއްގެ ތެރެއިންނެވެ.
މި މައްސަލަ ހުޅުމީދޫ ޕޮލިސް ސްޓޭޝަނުން މިހާރު އަންނަނީ އިތުރަށް ތަޙުޤީޤު ކުރަމުންނެވެ.