ކުރިއަށް އޮތް ތަނުގައި އައްޑޫގައި ނޫސްވެރިކަން ކުރި އަރުވައި އެ ދާއިރާ އަށް ހިދުމަތް ކުރެވެން ހުރި ގޮތްގޮތަށް ހިދުމަތްކޮށް ދެއްވާނެ ކަމަށް ރައްޔިތުންގެ މަޖިލީހުގެ 18 ވަނަ ދައުރުގެ ހިތަދޫ ދެކުނު ދާއިރާގެ ގޮނޑި ގެއްލިވަޑައިގަތް، އެ ދާއިރާގެ މިހާރުގެ މެމްބަރު ހަސަން ލަތީފް ވިދާޅުވެއްޖެ އެވެ.
ނޫސްވެރިންނާ ބައްދަލު ކުރައްވައި ލަތީފް މިއަދު ވިދާޅުވީ އޭނާ ދެން މަޖިލީހަށް ކުރިމަތި ނުލައްވާނެ ކަމަށެވެ.
އެެހެން ނަމަވެސް މެމްބަރެއްގެ ގޮތުގައި މިހާރު ހުންނެވި ޖުމްހޫރީ ޕާޓީ އާ އެކު، އެ ޕާޓީ ކުރިއަރުވައި، ހިދުމަތްތަކެއް ކޮށް ދެއްވާނެ ކަމަށް ވިދާޅުވި އެވެ. އަދި އެ ޕާޓީން ވަކިވެޑައިގަތުމުގެ ވިސްނުމެއް ކަމަށް ވެސް ލަތީފް ވިދާޅުވި އެވެ.
މީގެ އިތުރުން އިޖުތިމާއީ ދާއިރާ އިން ދެކުނު ދާއިރާއަށާއި މުޅި ހިތަދު އަށް ހިދުމަތް ކުރެއްވުމުގައި އަބަދު ވެސް ދެމި ހުންނަވާނެ ކަމަށް ލަތީފް ވިދާޅުވި އެވެ.
އޭނާ ވިދާޅުވީ ނޫސްވެރިކަމަކީ އަބަދުވެސް ވަރަށް ބޮޑަށް ޝައުގުވެރިވަޑައިގަންނަވާ ދާއިރާއެއް ކަމަށާއި މީގެ ކުރިން ވެސް އެ ދާއިރާ އަށް ހިދުމަތްތަކެއް ކޮށް ދީފައިވާ ކަމަށެވެ.
އަދި ރާއްޖޭގެ ނޫސްވެރިކަމަށް 50 އަހަރު ފުރުނު މުނާސަބާގައި، އެ ދާއިރާ އިން "ރިހި ގަލަން" ލިބިވަޑައިގެންފައިވާކަން ވެސް ލަތީފް ފާހަގަ ކުރެއްވި އެވެ.