އެމްއެންޑީއެފް ސަދަން އޭރިއާގައި ސްކޫލްތަކަށް އަމާޒުކޮށްގެން މޯލްޑިވްސް ނޭޝަނަލް ކެޑޭޓް ކޯ އިން ހިންގާ އެނުއަލް ކެޑޭޓް ކޭމްޕް ފަށައިފި އެވެ.
މި މަހުގެ 24-28 އަށް ހިންގާ ކެޑޭޓް ކޭމްޕް ކުރިއަށް ގެންދަނީ އެމްއެންޑީއެފް ސަދަން އޭރިއާ ހެޑް ކުއާޓާޒް ގަމުގައި ހުންނަ ޓްރެއިނިންގ ސްކޫލްގަ އެވެ.
މި ކެޑޭޓް ކޭމްޕްގައި މުޅި އެކު އައްޑޫގެ ސްކޫލްތަކުން 24 އަންހެން ކުދިންނާއި 88 އަށް ފިރިހެން ކުދިން ވަނީ ބައިވެރިވެފަ އެވެ.
ކެޑޭޓް ކޭމްޕްގެ މުދައްރިބުުންގެ ގޮތުގައި ހަރަކާތްތެރި ވަނީ އެމްއެންޑީއެފްގެ 12 މުދައްރިބުންނާއި ކެޑޭޓް ކޯގެ 18 މުދައްރިބުންނެވެ.
ސަދަން އޭރިއާގައި ކުރިއަށް ގެންދާ މި ކެޑޭޓް ކޭމްޕްގައި ދަރިވަރުންނަށް ކިޔަވައި ދެވޭ ބައިތަކުގެ ތެރޭގައި ފަސްޓް އެއިޑް، ފަޔަރ ފައިޓިން، ފީލްޑްކްރާފްޓް، ހެވިކަމާއި، ސްވިމިން މެރިޓައިމް އެވެއަރނެސް ހިމެނެ އެވެ.
މި ކެޑޭޓް ކޭމްޕްގައި ބައިވެރިވާ ސްކޫލްތަކަކީ ޝަރަފުއްދީން ސްކޫލާއި ފޭދޫ ސްކޫލާއި ސ. އަތޮޅު މަދަރުސާ އަދި ހިތަދޫ ސްކޫލެވެ.