އައްޑޫ އިކްއެޓޯރިއަލް ހޮސްޕިޓަލް (އޭއީއެޗް) މެދުވެރިކޮށް ހާއްސަ ހިދުމަތްތަކެއް ދޭން ނިންމައި، އެ ހިދުމަތްތައް ހޯދަން ރަޖިސްޓްރީކުރަން ހުޅުވާލައިފި އެވެ.
ހޮސްޕިޓަލްގެ ދަށުން މަރަދޫފޭދޫގައި ހިންގަމުން އަންނަ ސަދަން ޗައިލްޑް ޑިވެލޮޕްމަންޓް ސެންޓަ (އެސްސީޑީސީ) ކުރީގެ ދަމަވެށިން ދޭން ހަމަޖެހިފައިވާ ހިދުމަތްތަކަކި ސްޕީޗް ތެރަޕީ، އޮކިއުޕޭޝަނަލް ތެރަފީ، ފިޒިއޮތެރަޕީ އަދި ސައިކޮލޮޖިކަލް އެސެސްމަންޓެވެ.
މި ހިދުމަތްތައް ހޯދަން ރަޖިސްޓްރީކުރަން ގުޅަން ޖެހެނީ އޭއީއެޗްގެ ހޮޓްލައިން 1632 އަށެވެ.
އެސްސީޑީސީ އިން ހާއްސަ ހިދުމަތްތަކެއް ދޭން ނިންމައި ރަޖިސްޓްރީކުރަން ހުޅުވާލާފައި މި ވަނީ ހިދުމަތްތައް ދޭން ބޭނުންވާ ސެޓަޕާއި މީހުން ވެސް ތަމްރީނުކުރުމަށް ފަހު އެވެ.
ކުރިން "ދަމަނަވެށީ" ގައި ހިންގަމުން އައި މަރަދޫފޭދޫގައި އެންމެ ފުރަތަމަ ސިއްހީ މަރުކަޒެއްގައި ގޮތުގައި ހިންގި އިމާރާތް އެސްސީޑީސީގެ ގޮތުގައު ހުޅުވީ މިދިޔަ އަހަރުގެ ކުރީކޮޅު އެވެ.