ގެތަކަށާއި އި އޮފީސްތަކަށް ހާއްސަކޮށް، ބާރު ސްޕީޑުގައި ވަޔަލެސް އިންޓަނެޓުގެ ހިދުމަތް ބޭނުން ކުރުމަށް "ސުޕަ ފާސްޓް" އިންޓަނެޓު ޕެކޭޖު ތަކެއް އުރީދޫން ތައާރަފުކޮށްފި އެވެ.
އުރީދޫ މޯލްޑިވްސް އިން "ޖަމްބޯ ޑޭޓާ ޕްލޭން" ގެ ނަމުގައި ތައާރަފު ކުރި މި ޕެކޭޖުތަކުގެ ތެރޭގައި ހިމެނެނީ "ޖަމްބޯ ޑޭޓާ 20" ގެ ޕެކޭޖަކާއި "ޖަމްބޯ ޑޭޓާ 60" ގެ ޕެކޭޖެކެވެ.
މީގެ އިތުރުން ހިމެނެނީ "ޖަމްބޯ ޑޭޓާ 100" ގެ ޕެކޭޖަކާއި "ޖަމްބޯ ޑޭޓާ 200" ގެ ޕެކޭޖެކެވެ.
މި ޕެކޭޖުތަކުގައި ހިމެނޭ "ޖަމްބޯ ޑޭޓާ 20" ގެ ޕެކޭޖުގައި ހިލޭ ޑޭޓާ އެލަވްންސްގެ ގޮތުގައި 20 ޖީބީ ލިބެ އެވެ. އަދި މި ޕެކޭޖުގެ މަހުފ ީއަކީ 999ރ. އެވެ. އަދި "ޖަމްބޯ ޑޭޓާ 60" ޕެކޭޖުގައި ހިލޭ އެވަލަންސްގެ ގޮތުގައި 60 ޖީބީ ލިބެ އެވެ.
މި ޕެކޭޖުގެ މަހުފީއަކީ 1،999ރ. އެވެ.
މީގެ އިތުރުން "ޖަމްބޯ ޑޭޓާ 100" ގެ ޕެކޭޖުގެ ހިލޭ އެވަންސްގެ ގޮތުގައި 100 ޖީބީ ހިމެނެ އެވެ. މި ޕެކޭޖުގެ މަހުފީއަކީ 2،999ރ. އެވެ. އަދި އެންމެ ބޮޑު ޕެކޭޖު ކަމަށްވާ "ޖަމްބޯ ޑޭޓާ 200" ގެ ޕެކޭޖުގައި ހިލޭ އެވަލަންސްގެ ގޮތުގައި 200 ޖީބީ ލިބެ އެވެ. މި ޕެކޭޖުގެ މަހު ފީއަކީ 5،499ރ. އެވެ.
އުރީދޫން ތައާރަފު ކުރި "ޖަމްބޯ ޑޭޓާ" ޕެކޭޖުތަކާ ބެހޭ ގޮތުން ކުންފުނިން ބުނީ އަލަށް ތައާރަފު ކުރި މި ޕެކޭޖުތަކަކީ މިހާތަނަށް ރާއްޖޭގައި ދޭ އެންމެ ބޮޑު ޑޭޓާ އެލަވަންސް ލިބޭ ޕެކޭޖުތައް ކަމަށެވެ. މި ޕެކޭޖުތަކުގެ ޑޭޓާ ހުސްވުމުން އެމްބީއަކަށް 10ލ. ޗާޖު ކުރެ އެވެ.
"މި ޕެކޭޖު ތަކަކީ އޮފީސްތަކާއި ގޭގޭގައި އިންޓަނެޓުގެ ހިދުމަތް ބޭނުން ކުރުމަށް ހާއްސަ ޕެކޭޖުތަކެއް. މީގައި ހިމެނޭ 200 ޖީބީގެ ޕެކޭޖަކީ އެންމެ ހައި ސްޕީޑުގައި ޑޭޓާ އެލަވަންސް ލިބޭ ޕެކޭޖު،" އުރީދޫގެ އޮފިޝަލަކު ވިދާޅުވި އެވެ.
އޭނާ އަދި ވިދާޅުވީ މި ޕެކޭޖުތައް ފަރުމާކޮށްފައި ވަނީ ތްރީޖީ އާއި ފޯޖީގެ ހިދުމަތް ވެސް ބޭނުން ކުރެވޭ ގޮތަކަށް ކަމަށެވެ.
"މި ޕެކޭޖުތައް ނެގުމުން އުރީދޫއިން ވަޔާލެސް އިންޓަނެޓުގެ ހިދުމަތް ބޭނުން ކުރުމަށް ހިލޭ ރައުޓާއެއް ލިބޭނެ. މި ޕެކޭޖުތައް ނަންގަވާއިރު ކަސްޓަމާއަށް ޕްރިފާ ކުރެވޭނެ ބޭނުންވަނީ ތްރީޖީ ތޯ ނުވަތަ ފޯޖީ ތޯ!،" އޮފިޝަލް ވިދާޅުވި އެވެ.