އޫރުމަސް އެކުލެވޭ އުފެއްދުމެއް ވިއްކަން ހުރިކަން އެނގުމާ އެކު އެ އުފެއްދުން ފިހާރަތަކުން މިހާރު ނަގާފައިވާ ކަމަށް ކަސްޓަމްސް އިން ބުނެފި އެވެ.
ކަސްޓަމްސް އިން ބުނީ އޫރުމަސް ހިމެނޭ ބާވަތެއް ރާއްޖޭގެ ބާޒާރުގައި ވިއްކަން ހުރި މައްސަލަ މޯލްޑިވްސް ފުޑް އެންޑް ޑްރަގް އޮތޯރިޓީގެ ސަމާލުކަމަށް އައުމާއި ގުޅިގެން އެކަން އެ އިދާރާ އަށް އަންގާފައިވާ ކަމަށެވެ. އެގޮތުން އެތަކެތި އެތެރެކޮށްފައިވާ ފަރާތުގެ ފިހާރަތަކުގައި ހުރި މި ބާވަތުގެ ޕެކެޓްތައް ނަގައި މިހާރު އެ އިދާރާގެ ބެލުމުގެ ދަށަށް ގެންގޮސްފައިވާ ކަމަށް ކަސްޓަމްސް އިން ބުނެ އެވެ.
"މިތަކެތި އިތުރަށް ވިއްކަން ހުރިކަން ފާހަގަވާނަމަ، އެކަމާއި ގުޅޭ މަޢުލޫމާތު މި ސަރވިސްއާ ހިއްސާކުރުމަށް އިލްތިމާސްކުރަން." ކަސްޓަމްސް އިން ބުނެ އެވެ.
ސޯޝަލް މީޑިއާގައި ދައުރުވަމުންދާ ފޮޓޯއިން ފެންނަ ގޮތުގައި މާކަމް ބްރޭންޑްގެ ކަންޓްރީ ގްރޭވީ މިކްސްގެ އިންގްރީޑިއަންޓުތަކުގެ ތެރޭގައި "ގްރައުންޑް ޕޯކް" އަދި "ޑްރައި ޕޯކް ސްޓޮކް" ހިމެނެ އެވެ.