ބޭންކް އޮފް މޯލްޑިވްސް (ބީއެމްއެލް) ހިންގުން އެ ބޭންކްގެ ޑެޕިއުޓީ ސީއޯއަކަށް ހުންނެވި އައިޝަތު ނޫރައްދީންއާ ހަވާލުކޮށްފި އެވެ.
ގައުމީ ބޭންކްގެ ސީއީއޯގެ މަގާމު އެންމެ ފަހުން އަދާކުރެއްވީ އިނގިރޭސިވިލާތުގެ ޓިމް ސޯޔާ އެވެ. ދެހާސް ނަވާރައިގެ ޖުލައި މަހުގެ ތެރޭގައި މަގާމާ ހަވާލުވެވަޑައިގަތް ޓިމް، ބީއެމްއެލްގެ ސީއީއޯގެ މަގާމުން ވަކިވެވަޑައިގަންނަވާކަން އިއުލާންކުރެއްވީ މިދިޔަ ޖޫން މަހުގެ ތެރޭގަ އެވެ.
މިހާރު ބީއެމްއެލް ހިންގެވުން ހަވާލުކުރި އައިޝަތު ނޫރައްދަނީ ބޭންކިން ދާއިރާގެ ތަޖުރިބާކާރެކެވެ. އަދި އޭނަ އަކީ އެ ބޭންކްގެ އިސް މަގާމުތަކެއް ފުރުއްވާފައިވާ ބޭފުޅެކެވެ. އައިޝަތާ ބީއެމްއެލް ހިންގެވުން ހަވާލުކުރި އިރު، ކުރިން ވެސް ތިން ފަހަރެއްގެ މަތިން އެ މަސްއޫލިއްޔަތު އޭނާ އަދާކުރައްވާފައިވެ އެވެ.
އައިޝަތު ބީއެމްއެލްއާ ގުޅިވަޑައިގެންނެވީ 1982 ގަ އެވެ.