މޯލްޑިވްސް ހައްޖު ކޯޕަރޭޝަންގެ ގޮތްޕެއް ނުވަތަ ޑެސްކެއް އައްޑޫގައި ބަހައްޓާނެ ކަމަށް އިސްލާމިކް އެފެއާޒް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
މޯލްޑިވްސް އިސްލާމިކް ބޭންކް (އެމްއައިބީ) އައްޑޫ ބްރާންޗް ހުޅުވަން މި މަހުގެ 26 ވަނަ ދުވަހު ހިތަދޫގައި ބޭއްވި ރަސްމިއްޔާތުގައި މިނިސްޓަރު ވިދާޅުވީ ހައްޖު ކޯޕަރޭޝަންގެ ޑެސްކެއް އައްޑޫގައި ގާއިމުކޮށް ދޭން އެ ކޯޕަރޭޝަނުގައި އެދިވަޑައިގަންނަވާނެ ކަމަށެވެ.
"ހައްޖަށް ދާން ރަށުގައި ތިބެގެން ފައިސާ ދެއްކުމާއި އަދި ހައްޖުގެ ސޭވިން ޕެކޭޖަށް ފައިސާ ދެއްކުމުގެ ނިޒާމް އައްޑޫ ސިޓީން ކުރިއަށް ގެންދެވޭ ގޮތް އަޅުގަނޑުމެން ހަދާނަން،" މިނިސްޓަރު ވިދާޅުވި އެވެ.
ހައްޖު ކޯޕަރޭޝަނުން ހައްޖަށް ގެންދާ އަގެއް ކަމަށް ކަނޑައަޅާފައި ވަނީ 69،965ރ. އެވެ.
މިނިސްޓަރު ވިދާޅުވި ގޮތުގައި އައްޑު އަކީ ރާއްޖޭގައި އިސްލާމީ އައުގާފް އުފެއްދުމަށް ނިންމާފައިވާ ފަސް ސަރަހައްދުގެ ތެރޭގައި ހިމެނޭ ތަނެކެވެ.