ރޭ ފާހަގަ ކުރި އާތު އަވާ މަރަދޫފޭދޫ އެސްޓީއޯ ފިހާރައިން ވަރަށް ކުލަގަދަކޮށް ފާހަގަކޮށްފި އެވެ.
ރޭ 8:30 އިން 9:30 ފާހަގަ ކުރި އާތު އަވާ ހިނދުކޮޅުގައި މަރަދޫ ފޭދޫ ލިންކް ރޯޑްގައި ހުންނަ އެސްޓީއޯގެ ފިހާރަ ސަރަހައްދު އަލިކޮށްފައި ވަނީ އަލިފާނުގެ ވޮށްތަކުންނެވެ. އަދި ގިނަ އަދަދެެއްގެ އުއްބައްތި އެ ސަރަހައްދުގައި ދިއްލައިގެން ހަރަކާތްތަކެއް ހިންގާފައިވެ އެވެ.
"އަޅުގަނޑުމެން ހުރިހާ މުވައްޒަފުން ގުުޅިގެން ރޭ އާތު އަވާ ފާހަގަ ކުރީ. އެއީ ވަރަށް ހިތްގައިމު އަދި މަޖާ ވަގުތުކޮޅެއް،" އެސްޓިއޯ މަރަދޫފޭދޫ ފިހާރައިގެ މުވައްޒަފަކު ބުންޏެވެ.
އެސްޓީއޯގެ އިތުރުން ވެސް އައްޑޫގެ އެކި ތަންތަނުން ރޭ އާތު އަވާ ފާހަގަކޮށްފައިވެ އެވެ.
