ގދ. ރަތަފަންދޫގައި ގޭސް ފުޅިއެއް ގޮވައި ފިހުނު އަންހެން މީހާ ފަރުވާ ދެނިކޮށް މިއަދު ނިޔާވެއްޖެ އެވެ.
މިދިޔަ ބުރާސްފަތި ދުވަހު އެ ރަށު ހިޔަލީގޭ އާމިނަތު އަބްދުލް ހަލީމް (އާމިނަތުދީދީ) ފިހުނީ ގޭސް ލީކުވެފައި ހުއްޓައި އުނދުން ރޯކުރަން އުޅުމުގެ ތެރޭގައި އެ ގޮވައި، އޭނާގެ ހެދުމުގައި އަލިފާން ހިފައިގެންނެވެ.
އާމިނަތުދީދީ މަރުވީ އެ ހާދިސާއާ ގުޅިގެން އިތުރު ފަރުވާ އަށް ހެލިކޮޕްޓަރުގައި މާލެ ގެނެސް އައިޖީއެމްއެޗްހައި ފަރުވާ ދެނިކޮށް މިއަދު ވަރަށް ހެނދުނުގެ ވަގުތެއްގަ އެވެ. އެ މީހާ އަށް އެންމެ ފުރަތަމަ ފަރުވާ ދިނީ ތިނަދޫގައި އަބްދުއްސަމަދު މެމޯރިއަލް ހޮސްޕިޓަލްގަ އެވެ.
އާމިނަތުދީދީގެ ކަށުނަމާދު މިއަދު މެންދުރު ނަމާދަށް ފަހު އާސަހަރާގައި އޮންނާނެ އެވެ.