މި އަހަރުގެ ޑޮކްޓަރުންގެ ދުވަސް ވަަރަށް ކުލަގަދަކޮށް އައްޑޫގައި ފާހަގަކޮށްފި އެވެ.
ޑޮކްޓަރުންގެ ދުވަސް ފާހަގަ ކުރަން ހިތަދޫ ރީޖަނަލް ހޮސްޕިޓަލް (އެޗްއާރްއެޗް) އިން އިންތިޒާމުކޮށްގެން ހިތަދޫ ސްކޫލުގައި ބޭއްވި ހާއްސަ ހަފުލާގައި އައްޑޫގައި މަސައްކަތް ކުރާ ޑޮކްޓަރުންނާއި ސިއްހީ ދާއިރާގައި މަސައްކަތް ކުރާ ގިނަ އަދަދެއްގެ މީހުން ބައިވެރިވި އެވެ.
އެ ހަފުލާގައި ހާއްސަ މެހުމާނެއްގެ ގޮތުން މޭޔަރު އަބްދުﷲ ސޯދިގް (ސޯބެ) ވެސް ބައިވެރިވެޑައިގެންނެވި އެވެ. އަދި އެޗްއާރްއެޗް ހިންގެވުމާ ހަވާލުވެ ހުންނެވި ހަދީޖާ ހަފުސާ ވެސް ބައިވެރިވެވަޑައިގެންނެވި އެވެ.
ހިތަދޫ ސްކޫލުގައި ބޭއްވި ހަފުލާގައި ޑޮކްޓަރުން ވާހަކަ ދެއްކުމުގެ އިތުރަށް މުނިފޫހިފިލުވުމުގެ ބައެއް އައިޓަމްތައް ވެސް ހުށަހަޅައި ދިނެވެ.
އައްޑޫގައި ކޮންމެ އަހަރަކު ވެސް ޑޮކްޓަރުންގެ ދުވަސް ވަރަށް ކުލަގަދަކޮށް ފާހަގަކޮށް، ޑޮކްޓަރުންގެ ހިދުމަތްތަކުގެ އަގު ވަޒަންކޮށް ހަނދާނީ ލިއުން ވެސް ދެ އެވެ.
