މި އަހަރުގެ އޯޯ ލެވެލް އިމްތިހާނުގައި ފޭދޫ ސްކޫލްގެ މަދުވެގެން 17 ވަރަަކަށް ދަރިވަރުން ރާއްޖޭގެ "ޓޮޕް 10" ހިމެނޭނެ ކަމަށް އުންމީދު ކުރާ ކަމަށް އެ ސްކޫލުން ބުނެފި އެވެ.
އެ ސްކޫލްގެ ޕްރިންސިޕަލް އަލީ މުސްތޮތާ ވިދާޅުވީ އޯ ލެވެލްގައި ރަނގަޅު ނަތީޖާއެއް ހޯދަން ބޭނުންވާތީ، އެ އަމާޒު ހާސިލްކުރަން ވަރަށް ބޮޑެތި މަސައްކަތްތަކެއް ކުރެވެމުން އަންނަ ކަމަށެވެ. އަދި އެކަން ހާސިލްވާނެ ކަމުގެ ޔަގީން ވެސް ބޮޑު ކަމަށް ޕްރިންސިޕަލް ވިދާޅުވި އެވެ.
ޒުވާން ޕްރިންސިޕަލް ވިދާޅުވީ ވިދާޅުވީ މި އަހަރުގެ އޯ ލެވެލްގައި ވަރުގަދަ ނަތީޖާއެއް ނެރުމަށް އެ ސްކޫލުން މަސައްކަތް ކުރަމުން އަންނަ އިރު، ފެންވަރު ރަނގަޅު ޓީޗަރުން ވެސް އެ ސްކޫލްގައި އެބަ ތިބި ކަމަށެވެ. އަދި ޓީޗަރުންގެ ދަތި ކަމެއް ނެތް ކަމަށް ވެސް މުސްތޮފާ އެވެ.
"އަޅުގަނޑުމެންގެ ޓީޗަރުންގެ ފެންވަރަށް ބަލާ އިރު، މިދިޔަ އަހަރު ވެސް ރަނގަޅު ނަތީޖާއެއް ނެރުނު. ޓޮޕް ޓެންގައި ވެސް ކުދިން ހިމެނުނު. އެހެންވީމާ ޓީޗަރުންގެ ފެންވަރު އެބަ ހުރި،" މި އަހަރު 52 ދަރިވަރުން އޯ ލެވެލް ހަދާ ސްކޫލާ ބެހޭ ގޮތުން ޕްރިންސިޕަލް ވިދާޅުވި އެވެ. "އެހެންވީމާ އައްޑޫގެ އެހެން ސްކޫލްތަކާ އަޅާކިޔާލާ އިރު [ފެންވަރުގެ ގޮތުން] ފަރަގެއް ނުހުންނާނެ."
ޕްރިންސިޕަލް އިތުރަށް ވިދާޅުވީ އޯ ލެވެލްގައި އައްޑޫން ފާހަގަ ކުރެވޭ ފަދަ ނަތީޖާއެއް ހޯދަން ސްކޫލުން އަމާޒު ހިފާފައިވާ އިރު، ދަރިވަރުންގެ ނަތީޖާ ރަނގަޅު ކުރަން ތަފާތު ޕްރޮގްރާމްތައް ވެސް ކުރިއަށް ގެންދާ ކަމަށެވެ.