މިހާރު ދުނިޔޭގައި ވެސް ނެތް މައިންބަފައިން މަތިން އަބަދު ވެސް ވަރަށް ހަނދާންވާ ކަމަށް ބުނެ ބޮލީވުޑްގެ މަޝްހޫރު އެކްޓަރު "ޖަޒުބާތީ" ޓްވީޓެއްކޮށްފި އެވެ.
ޝާހްރުކް ބުނި އޭނާ މިހާރު ޝޫޓް ކުރަމުން އަންނަ ފިލްމް "ހެޕީ ނިއު އިޔާ" ގެ ސެޓްގައި، އެ ފިލްމުގެ އެހެން ތަރިން އެ މީހުންގެ މައިންބަފައިންނާ ބެހޭ ގޮތުން ވާހަކަ ދައްކާ އަޑު އިވުމުން "އަމިއްލަ މައިންބަފައިން މަތިން ވަރަށް ހަނދާންވާ" ކަމަށެވެ.
އަދި އޭނާގެ މައިންބައިންފައިން ވަކިވެ ދިޔައީ މާ އަވަހަށް ކަމަށް އިހުސާސް ކުރެެވޭ ކަމަށް ވެސް ޝާހްރުކްގެ ޖަޒުބާތީ ޓްވީޓްގައި ބުނެފައިވެ އެވެ.
މިހާރު ތިން ކުދިން ތިބި ޝާހްރުކްގެ ބައްޕަ މަރުވީ މީގެ 15 އަހަރު ކުރިން ކެންސަރު ބަލީގަ އެވެ. އަދި އޭނާގެ މަންމަ މަރުވީ 1990 ވަނަ އަހަރު، ވަރަަށް ގިނަ ދުވަސްތަކެއް ވަންދެން ބަލިވެ އުޅުމަށް ފަހު އެވެ. އެއީ ޝާހްރުކްގެ ބޮލީވުޑް ކެރިއާ ފެށުމުގެ ވެސް ކުރިންނެވެ.
ޝާހްރުކް ބޮލީވުޑަށް ނިކުތީ 1993 ގައި ނިކުތް މަރުހޫމް ޑައިރެކްޓަރު ރާޖް ކަންވަރުގެ "ދީވާނީ" އިން ސަޕޯޓިން ރޯލަކުންނެވެ. އެ ފިލްމުގެ ލީޑް ތަރިންނަކީ ރިޝީ ކަޕޫރާއި މަރުހޫމް ދިވްޔާ ބާރްތީ އެވެ.
އެހެން ނަމަވެސް މިހާރު ޝާހުރުކް ހާނަކީ ބޮލީވުޑްގެ އެންމެ ނުފޫޒުގަދަ އެއް އެކްޓަރެވެ.
އޭނާ މިހާރު ކުޅެމުން އަންނަ "ހެޕީ ނިއާ އިޔާ" ގެ ތަރިންނަކީ ދީޕިކާ ޕަދްކޯން، އަބިޝެކް ބައްޗަން، ސޯނޫ ސޫދު އަދި ބޮމަން އިރާނީ ވިވާން ޝާހެވެ.