މި އަހަރުގެ އެންމެ އުންމީދީ އެއް ފިލްމް ކަމަށްވާ "2 ސްޓޭޓްސް" ގެ ލަވަތަަކަށް އާންމުންގެ ފަރާތުން ވަރަށް ބޮޑު ތަރުހީބެއް ލިބެން ފަަށައިފި އެވެ.
މި ފިލްމް އަންނަ މަހުގެ 18 ވަނަ ދުވަހު ރިލީޒް ކުރަން ހަމަޖެހިފައިވާ އިރު، ފިލްމުގެ ޕްރޮމޯޝަން ވެސް ވަނީ މެކުހަަށް ޖަހައިފަ އެވެ.
އެގޮތުން ފިލްމްގެ ލަވަތަކާއި އާ ޓްރެއިލާތައް ބެލުންތެރިންނާ ހަމައަށް އަންނަމުންދާ އިރު، ފިލްމުގެ މިއުޒިކަށް އާންމުންގެ ވަރަށް ބޮޑު ސަމާލު ކަމެއް ވަނީ ލިބިފަ އެވެ.
ހާއްސަކޮށް ޒުވާނުންގެ މެދުގައި އެ ފިލްމުގެ ލަވަތައް ވަަރަށް މަޝްހޫރެވެ. އެ ލަވަތަކުގެ ތެރޭގައި "އޮއްފޯ"، "ޗާންދަނިއާ"، "ލޮޗާ އޭ އުލްފަތު" އަދި "އިސްކީ އުސްކީ" އާއި "މަސްތު މަގަން" ހިމެނެ އެވެ.
މި ފިލްމުގެ ލަވަަތައް ކިޔައިފައިވާ ފަންނާނުންގެ ތެރޭގައި އަރިޖިތު ސިންގް، ބެނީ ދަނިޔާލް، އަދިތީ ސިންގް ޝަރްމާ އަދި ޝަންކަރު މަހާދޭވަން ފަދަ ފަންނާނުން ހިމެނެ އެވެ.
އާލިއާ ބަޓް އާއި އަރުުޖުން ކަޕޫރު ލީޑް ރޯލް ކުޅެފައިވާ މި ފިލްމުގެ މިއުޒިކް ތައްޔާރުކޮށްފައި ވަނީ ވެސް ޒުވާނުންގެ ރަހަތަކަށް ވަރަށް ބޮޑަށް އިސްކަން ދީގެން ކަމަށް ޕްރޮޑިއުސަރު ކަރަން ޖޯހަރު ވެސް ދާދި ފަހުން ވަނީ ބުނެފަ އެވެ.
އޭނާ ބުނީ "2 ސްޓޭޓްސް" ގެ މިއުޒިކަަކީ ފިލްމް ރިލީޒް ކުރުމަށް ފަހު ވެސް، އާންމުންގެ މެދުގައި އަބަދުވެސް ހަނދާން ހުންނާނެ ފަދަ ލަވަތަކެއް ކަަމަށެވެ.
އިންޑިއާގެ މަޝްހޫރު ލިއުންތެރިޔާ ޗެތަން ބަގަތުގެ ވާހަކަ "2 ސްޓޭޓްސް" އަށް ބިނާކޮށް ހަދާފައިވާ މި ފިލްމުގެ މިއުޒިކް ތައްޔާރުކޮށްފައި ވަނީ ޝަންކަރު-އެހްސާން-ލޯއި އެވެ.