ލ. ފޮނަދޫގެ އަންހެނުންތަކަށް ހާއްސަކޮށްގެން މޫދު ކަސްރަތު ދަސްކޮށް ދިނުމުގެ ޕްރޮގްރާމެއް ސިފައިން ހިންގައިފި އެވެ.
އެ ރަށު އަންހެނުންގެ ތަރައްގީ އަށް މަސައްކަތްކުރާ ކޮމިޓީއާ ވެސް ގުޅިގެން "މޫދު ކަސްރަތުން އުފާވެރިކަން" ގެ ނަމުގައި ހިންގި ޕްރޮގްރާމް ނިންމައި ބައިވެރިންނަށް ވަނީ ބައިވެރިންނަށް ސެޓްފިކެޓް ވެސް ދީފަ އެވެ.
އެމްއެންޑީއެފް ސެންޓްރަލް އޭރިއާ ކޮމާންޑުން ލ.ފޮނަދޫ އަންހެނުންނަށް ޚާއްޞަކޮށްގެން ހިންގި "މޫދު ކަސްރަތުން އުފާވެރިކަން" ޕްރަޮގްރާމް ނިންމާލައިފި.https://t.co/4ulAXcd3gC pic.twitter.com/yQPhChsAJk
— Maldives National Defence Force (@MNDF_Official) August 26, 2022
މިދިޔަ މަހުގެ 24 އިން މި މަހުގެ 25 އަށް ހިންގި ޕްރޮގްރާމްގައި 32 މީހަކު ބައިވެރިވެ، ޕްރޮގްރާމް ފުރިހަމަކުރި އެވެ. މި ޕްރޮގްރާމްގައި ދުޅަހެޔޮ ޞިއްޙަތެއްގައި ހުރުމަށް ކަސްރަތު ކުރުމުގެ މުހިންމުކަމާއި، ކަސްރަތުކުރަންވީ ރަނގަޅު ގޮތްތަކާއި، ރަނގަޅު ސިއްހަތެއްގައި ހުރުމަށް ރަނގަޅު ކާނާ ކެއުމުގެ މުހިންމުކަމާ ބެހޭ ގޮތުން ޕްރޮގްރާމުގެ ބައިވެރިންނަށް މަޢުލޫމާތު ދީފައިވެ އެވެ.
އެ ކުލާސްތައް ނަގައިދެއްވީ އެމްއެންޑީއެފް ސެންޓްރަލް އޭރިއާ ކޮމާންޑްގައި މަސައްކަތްކުރާ މުދައްރިބުންނެވެ.