ބޮލީވުޑްގެ އެކްޓަރު ރިތޭޝް ދޭޝްމުކް ޕްރޮޑިއުސްކޮށްފައިވާ މަރާޓީ ފިލްމް "ޔެލޯ" ގެ ހިންދީ ރިމެކިންއެއް ހެދުުމުގެ ޝައުގުވެރިކަން ސަލްމާބް ހާން ފާޅުކޮށްފި އެވެ.
ހިންދީ ބަހުން އެ ފިލްމު އުފެއްދުމުގެ ޝައުގުވެރިކަން ސަލްމާން ފާޅު ކުރީ ރޭ ބޭއްވި "ޔެލޯ" ގެ ހާއްސަ ސްކްރީނިންއެއްގައި ފިލްްމް ބެލުމަށް ފަހު އެވެ.
ސަލްމާން ބުނީ ފިލްމު އޭނާގެ ހިތާ ވަރަށް ބޮޑަށް ކުޅެލި ކަމަށާއި އެއީ ވަރަށް އިމޯޝަނަލް ފިލްމެއް ކަމަށެވެ.
އެހެންވެ "ޔެލޯ" ގެ ހިންދީ ރިމެކިންއެއް ހެދުމަށް ރިތޭޝް ކައިރީ އެދިފައިވާ ކަމަށް ބުންޏެވެ. އަދި ހިންދީ ބަހުން ވެސް އެ ފިލްމް އުފައްދާ އިރު އޮރިޖިނަލް "ޔެލޯ" ގެ ޑައިރެކްޓަރާއި އެ ފިލްމުގެ އެންމެ މުހިއްމު ރޯލް ކުޅުނު ގޯރީ ގަޑްގިލް އޮންބޯޑް ކުރަން ވެސް ސަލްމާން ބޭނުންވެ އެވެ.
އަންނަ މަހުގެ 4 ގައި ޕްރީމިއާ ކުރާ މި ފިލްމުގައި ދައްކުވައި ދެނީ ހާއްސަ އަށް ބޭނުންވާ ކުދިންނާއި އެފަދަ ކުދިން ކަންކަން ދަސްކުރުމުގައި ހުންނަ ތަފާތުތަކެވެ.
މަހޭޝް ލިމާޔޭ ޑައިރެކްޓްކޮށްފައިވާ "ޔެލޯ" ގައި މުހިއްމު ރޯލެއް އަދާކޮށްފައި ވަނީ ހާއްސަ އެހީ އަށް ބޭނުންވާ ކުއްޖެއް ކަމަށްވާ ގޯރީ ގަޑްގިލް އިތުުރުން އައިޝްވާރިއާ ނަރްކަރް، އުޕެންދަރު ލިމާޔޭ، އޫޝާ ނަދްކަރްނީ ފަދަ ތަރިންނެވެ.