ތާރު އަޅައިގެން ހަދާފައިވާ ހިތަދޫ ބޮޑު މަގުގައި މިހާތަނަށް ޕޭވްމަންޓް ނަހަދާ އޮތް ސަރަހައްދުގައި ޕޭވްމަންޓް ހެދުމުގެ މަސައްކަތް ފަށައިފި އެވެ.
މި މަސައްކަތް ކުރަނީ މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން (އެމްއާރްޑީސީ) އައްޑޫ ޔުނިޓްގެ މުވައްޒަފުންނެވެ.
ހިތަދޫ ބޮޑު މަގުގައި ތާރު އަޅައިގެން ހަދާފަައިވާ އިރު، ޕޭވްމަންޓް ނަހަދައި އޮތް ދިމާއަކީ މަގުގެ ދެކުނު ފަރާތެވެ.
އެގޮތުން އެ މަގުގެ ދެ ފަރާތުގައި ޕޭވްމަންޓް ހަދާ ސަރަހައްދަށް ވެލި އަޅައި ކާބްސްޓޯން ޖެހުމުގެ މަސައްކަތް މިއަދު ވަނީ ކޮށްފަ އެވެ.
ހިތަދޫ ބޮޑު މަގުގައި ތާރު އަޅާފައި ވަނީ 2011 ވަނަ އަހަރު އައްޑޫގައި ބޭއްވި ސާކް ސަމިޓާ ދިމާކޮށެވެ.
އެހެން ނަމަވެސް އޭރު އަވަސް އަރުވާލައިގެ މަސައްކަތް ކުރަން ޖެހުމުން، މަސައްކަތުގެ ފެންވަރު ދަށް ކަމަށް ބުނެ ގިނަ ބަޔަކު ފާޑު ކިޔަމުން ގެންދެ އެެވެ.