Last Updated: November 26, 22:39
Tuesday, November 26, 2024
މުނިފޫހިފިލުވުން

ސުޝްމިތާ ފިިޓްނަސް ސްޓޫޑިއޯއެއް ހުޅުވަނީ

ބޮޑު ސްކްރީނާ ވަރަށް ބޮޑަށް ދުރުގައި ހުރި ބޮލީވުޑްގެ ބަތަލާ ސުޝްމިތާ ސެން މުޅިން އާ ކޮންސެޕްޓަކަށް ފިޓްނަސް ސްޓޫޑިއޯއެއް ހުޅުވަން ތައްޔާރުވެއްޖެ އެވެ.

ކާމިޔާބް ފިލްމުތަކެއް ކުޅެފައިވާ އަދި 1994 ވަނަ އަހަރުގެ މިސް ޔުނިވާސް ބުނީ އޭނާގެ ފިޓްނަސް ސްޓޫޑިއޯގެ ނަމަކީ "އިންހޭލް" ކަމަށެވެ.
އަދި އެއީ އާންމުކޮށް ފިޓްނަސް ސްޓޫޑިއޯތަކުން ފެންނަ ތަފާތު ބާވަތްތަކުގެ މެޝިންތައް، އެއްވެސް ގޮތަކަށް ނުލައި ހިންގާ ސްޓޫޑިއޯ ކަމަށް ވެސް ސުޝްމިތާ ބުންޏެވެ.

އޭނާ ބުނީ މުޅިން އާ ކޮންސެޕްޓަކަށް ހުޅުވާ ފިޓްނަސް ސްޓޫޑިއޯ އަށް އާންމުންގެ ތަރުހީބު ވަރަށް ބޮޑަށް ލިބޭނެ ކަމަށް ގަބޫލް ކުރާ ކަމަށެވެ.

ސުޝްމިތާ ބުނީ އެތަނުގައި ހިންގާ ފިޓްނަސް ޕްރޮގްރާމްތަކުގައި 11 އިންސްޓްރަކްޓަރަކު ކޮންމެ އިރުޝާދު ދޭން ތިބޭ އިރު، ކޮންމެ ބެޗެއްގައި ބައިވެރި ކުރާނީ 12 މީހުން ކަމަށެވެ.

"އެއްވެސް މެޝިނެއް ބޭނުން ނުކޮށް މި ތަނުގައި ފިޓްނަސް ޕްރޮގްރާމްތައް ކުރިއަށް ގެންދާނީ ކޮންމެ މީހެއްގެ ވެސް ހަށިގަނޑުގެ ބަރުދަނަށް ވަރަށް ބޮޑު އިސްކަމެއް ދީގެން، ބަރުދަން މޮނިޓަ ކުރަމުން،" ލޫޅާފަި ހަށިގަނޑެއްގެ ވެރި ބަތަލާ ބުންޏެވެ. "މިއީ ވަރަށް ގިނަ ވައްތަރުގެ ހަރަކާތްތަކެއް މިކްސްކޮށްލައިގެން ކުރިއަށް ގެންދާ ޕްރޮގްރާމްތަކެއް."