މޯލްޑިވްސް ޕޯޓްސް ލިމިޓެޑް އެމްޕީއެލް) އިން ކުރިއަށް ގެންދިޔަ އެޕްރެންޓިސްޝިޕް ޕްރޮގްރާމް 20 ޒުވާނަކު ފުރިހަމަކުރުމުން އޭގެ ތެރެއިން 18 މީހުންނަށް އެ ކުންފުނިން ދާއިމީ ވަޒީފާ ދީފި އެވެ.
އެމްޕީއެލްގެ އެޕްރެންޓިސް ޕްރޮގްރާމްގައި ހަތް ދާއިރާއަކުން 45 ޖާގަ ހުޅުވި އެވެ. އެގޮތުން ޒުވާނުން ތަމްރީނުކުރި ދާއިރާތަކަކީ
ކާޕެންޓްރީ، ހެވީ ވެހިކަލް، ވެލްޑިން، ޓަގް ބޯޓު އޮޕަރޭޝަން، ހެލްތު އެންޑް ސޭފްޓީ، އެޑްމިނިސްޓްރޭޝަން އަދި އިންޖިނިއަރިން އެވެ.
މި ދާއިރާތަކަށް ކުރިމަތިލީ 20 ޒުވާނުންނެވެ. އޭގެ ތެރެއިން 18 މީހަކަށް ވަޒީފާ ހަމަޖައްސައިދިން އިރު، އެ މީހުންނަށް އިއްޔެ ވަނީ ސެޓްފިކާއި ވަޒީފާގެ ލިޔުން ވެސް ހަވާލުކޮށްފަ އެވެ. އޭގެ ތެރޭގައި ތިން އަންހެނުން ވެސް ހިމެނެ އެވެ. އެ މީހުންނަށް އިއްޔެ ވަނީ ސެޓްފިކެޓާއި ވަޒީފާގެ ލިޔުން ވެސް ހަވާލުކޮށްފަ އެވެ.
ސެޓްފިކް ހަވާލުކޮށް ދެއްވީ ގައުމީ ޔުނިވަސިޓީގައި ބޭއްވި ރަސްމިއްޔާތެއްގައި ޔޫތު މިނިސްޓަރު އަހުމަދު މަހުލޫފެވެ.
އެމްޕީއެލް އިން ކުރިއަށް ގެންދިޔަ އެޕްރެންޓިސް ޕްރޮގްރާމަކީ 2020 ގައި ސަރުކާރުން ފެށި "ނެޝަނަލް އެޕްރެންޓިސްޝިޕް ޕްރޮގްރާމް" ގެ ބައެކެވެ. އޭގައި ސަރުކާރާއި އިދާރާތަކާއި ކުންފުނިތަކުން ބައިވެރިވެ އެވެ. ސަރުކާރުގެ އަމާޒަކީ އެ ޕްރޮގްރާމްގެ ތެރެއިން ކޮންމެ އަހަރަކު ވެސް 3،000 ޒުވާނުން ތަމްރީނު ކުރުމެވެ.
ދެހާސް ވިހިން ފެށިގެން މިހާތަނަށް އެމްޕީއެލްގެ އެޕްރެންޓިސްގެ ތެރެއިން 100 ޒުވާނުން ތަމްރީނުކޮށްފައިވެ އެވެ.