ކޮންމެ ރޯދަ މަހަކު އައްޑޫގައި ބާއްވާ ފޯރިގަދަ ފުޓްސަލް މުބާރާތް "ގޯދިއްޔާގެ ފުޓްސަލް ކަޕް 2014" ގައި ބައިވެރިވުމުގެ ފުރުސަތު މިއަދު ހުޅުވާލައިފި އެވެ.
ގޯދިއްޔާގެ އޮފިޝަލަކު ވިދާޅުވީ މުބާރާތުގައި މި ފަހަރު ވެސް 20 ޓީމް ވާދަ ކުރާނެ ކަމަށެވެ. އެގޮތުން އައްޑޫގެ އިތުރުން އެހެން އަތޮޅުތަކުގެ ޓީމްތަކަށް ވެސް ވަނީ މުބާރާތުގައި ބައިވެރިވުމުގެ ފުރުސަތު ހުޅުވާލައިފަ އެވެ.
އެ ޖަމިއްޔާ އިން ބުނީ ބައިވެރިވާން އެދި ހުށަހެޅުމުގެ އެންމެ ފަހު ސުންގަޑިއަކީ މި މަހުގެ 15 ވަނަ ދުވަސް ކަމަށެވެ.
އެހެން އަތޮޅުތަކަށް މުބާރާތުން ފުރުސަތު ދޭން ނިންމާފައި ވަނީ ފަސް ޓީމަށެވެ. އަނެއް 15 ޓީމް ވެގެން ދާނީ އައްޑޫގެ ޓީމްތަކަށެވެ.
މަރަދޫ ބޯޅަ ދަނޑުގައި ރޯދަ މަހު ރޭގަނޑު ކުރިއަށް ގެންދާ މި އަހަރުގެ ގޯދިއްޔާ މުބާރާތް ސްޕޮންސަ ކުރަން ބޭނުންވާ ފަރާތްތަކަށް ވެސް ވަނީ އެ ފުރުސަތު ހުޅުވާލައިފަ އެވެ.
މި އަހަރުގެ މުބާރާތް ކުރިއަށް ދާނީ ޖޫން 4-28 އަށެވެ.
މި އަހަރުގެ މުބާރާތުގެ ޗެމްޕިއަން ޓީމަށް ކުރީ އަހަރާ ހިލާފަށް ހުށަހަޅާފައި ވަނީ 55،000ރ. އެވެ. ރަަނައަޕް ޓީމަށް 20،000ރ. އެވެ.
މިދިޔަ އަހަރު ޗެމްޕިއަން ޓީމަށް 50،000ރ. ދިން މުބާރާތުގެ ޗެމްޕިއަނަކީ މަރަދޫ ޒިލޯން ޓީމެވެ. އަދި މިދިޔަ އަހަރުގެ ފައިނަލް މެޗް ވަނީ ވީޓީވީން ލައިވް ވެސްކޮށްފަ އެވެ.