އައްޑޫ އިކްއެޓޯރިއަލް ހޮސްޕިޓަލް (އޭއީއެޗް) ގައި ހަދަން ނިންމާފައިވާ ކެތު ލެބްގެ މަސައްކަތްކޮށްދޭނެ ބަޔަކު ހޯދަން ބީލަމަށް ހުޅުވާލައިފި އެވެ.
އެ ހޮސްޕިޓަލުން ބުނީ ކެތު ލެބްގެ ހިދުމަތް ފެށުމަށް ހޮސްޕިޓަލުގެ ސެޕްޓިކް އޯޓީ ރޫމަށް ބަދަލުތަކެއް ގެނެސް އެތަނުގެ މަރާމާތުގެ މަސައްކަތް ހަވާލުކުރާތާ 45 ދުވަސް ތެރޭގައި ކޮށްދޭނެ ބޭނުންވާ ކަމަށެވެ. އެހެންވެ އެކަމަށް ޝައުގުވެރިވާ ފަރާތްތަކަށް މި މަހުގެ 15 އާ ހަމައަށް ވަނީ ބީލަން ހުށަހެޅުމުގެ ފުރުސަތު ހުޅުވާލައިފަ އެވެ.
ބީލަމުގައި ބައިވެރިވާން މި މަހުގެ 10 ގެ މެންދުރު ފަހު 1:00 ގެ ކުރިން ރަޖިސްޓްރީކުރަން ޖެހެ އެވެ. މިކަމާ ބެހޭ ގޮތުން ބާއްވާ މައުލޫމާތު ދިނުމުގެ ސެޝަނެއް މި މަހުގެ 11 ވަނަ ދުވަހު މެންދުރު ފަހު 1:00 ގައި އޭއީއެޗްގެ އިދާރީ އޮފީސް އިމާރާތުގެ ކޮންސްފަރެންސް ރޫމްގައި އޮންނާނެ އެވެ.
އޭއީއެޗްގައި ކެތު ލެބެއް ހަދާނެ ބަޔަކު ހޯދަން ބީލަމަށް ހުޅުވާލި އިރު، ކެތު ލެބެއްގެ ހިދުމަތް ފަށަން ހޮސްޕިޓަލްގެ މިދިޔަ އަހަރުގެ ބަޖެޓްގައި ވެސް ހިމެނި އެވެ. ކެތު ލެބަކީ ހިތުގެ ބަލިތަކަށް ހާއްސަ ކްލިނިކެކެވެ.
އޭއީއެޗަކީ މާލެ ސަރަހައްދުން ބޭރުގައި ހިންގާ ރާއްޖޭގެ ފުރަތަމަ ޓާޝަރީ ހޮސްޕިޓަލެވެ. މި ތަނުގެ ހިދުމަތް ފެށީ ޖެނުއަރީ 15، 2020 ގަ އެވެ.