ތާރު އަޅައިގެން ހަދާފައިވާ ހިތަދޫ މެދެއާރި މަގުގެ ޕާކިން ޒޯން ހެދުމުގެ މަސައްކަތް ފަށައިފި އެވެ.
މި މަސައްކަތް ކުރަނީ މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން (އެމްއާރްޑީސީ) ގެ އައްޑޫ ޔުނިޓްގެ މުވައްޒަފުންނެވެ.
ހަދަން ފަށާފައިވާތާ ގިނަ ދުވަސްތަކެެއްވެފައިވާ މެދެއާރި މަގުގައި ތާރު އަޅާފައި ވަނީ މިދިޔަ މަހުގެ ތެރޭގަ އެވެ.
މެދެއާރި މަގުގެ ދެ ފަރާތުގެ ޕާކިން ޒޯންގެ މަސައްކަތް ވަރަށް ބާރަށް ކުރިއަށް ގެންދާ އިރު، މި މަސައްކަތް އަންނަ ހަފުތާ ތެރޭގައި އެއްކޮށް ނިންމާލެވޭ ކަމަށް އެމްއާރްޑީސީ އައްޑޫ ޔުނިޓުން ބުންޏެވެ. ޕާކިން ޒޯން ހަދަނީ ގާއަތުރައިގެންނެވެ.
ހިތަދޫ މެދެ އާރި މަގުގެ ޕާކިން ޒޯންގައި ގާ އަތުރަމުން އަންނަ އިރު ހިތަދޫ ބޮޑުމަގުގައި ހުންނަ މަސްޖިދުއް ތަގްވާއިންފެށިގެން ޕޭވްމަންޓް ގާއަތުރައިގެން ހެދުމުގެ މަސައްކަތްވެސް އަންނަނީ ކުރަމުންނެވެ. އަދި މެދެއާރި މަގުގެ އެއްފަޅުއަށް ތާރު އަޅައި ހަދާފައިވާ އިރު އަނެއްފަޅީގެ އެއްބަޔަށް ވަނީ ތާރު އަޅާފައެވެ.
މެދެއާރި މަގަކީ އައްޑޫ ސިޓީ ކައުންސިލް އިދާރާ ހުންނަ މަގެވެ.