މި މަހުގެ އެއް ވަނަ ދުވަހު އައްޑޫގައި ޑިސްޓްރިބިއުޝަން ސެންޓަރެއް ހުޅުވި ކޮކާ ކޯލާ އިން އައްޑޫގައި މާދަމާ ރޯޑް ޝޯއެއް ބާއްވާ ގޮތަށް ހަމަޖައްސައިފި އެވެ.
ކޮކާ ކޯލާ މޯލްޑިވްސްގެ އޮފިޝަލަކު މިރޭ ވިދާޅުވީ އެ ކުންފުނިން ދާދި ފަހު މާކެޓަށް ނެރެ މިހާރު ޑިސްޓްރިބިއުޓް ކުރަމުން އަންނަ "މިނިޓް މެއިޑް" އޮރެންޖް ޖޫސް ޕްރޮމޯޓް ކުރަން މާދަމާ ބާއްވާ ރޯޑްޝޯ ފަށާނީ ހަވީރު 3:45 ގައި ހިތަދޫންނެވެ.
އެގޮތުން ކޮކާ ކޯލާގެ ވެހިކަލެއްގައި ގުޅިފައިވާ ހުރިހާ ރަށްތަކަށް ދަތުރު ކުރާ ގޮތަށް ވަނީ ހަމަޖައްސައިފަ އެވެ.
އަދި ރޯޑްޝޯ ކުރިއަށް ގެންދާ ވަގުތު މިނިޓް މެއިޑް އޮރެންޖް ޕަލްޕް އާންމުންނަށް ރަހަ ދެއްކުން އޮންނާނެ އެވެ. އަދި ޖޫސް ގަންނަން ބޭނުންވާ ފަރާތްތަކަށް އެ ފުރުސަތު ވެސް ލިބޭނެ އެވެ.
މިނިޓް މެއިޑް އޮރެންޖް ޕަލްޕްގެ ދެ ސައިޒެއް މިހާރު އަންނަނީ ވިއްކަމުންނެވެ. އަދި ކުރިއަށް އޮތް ތަނުގައި އެ ޖޫހުގެ އިތުރު ގިނަ ފްލެވާތަކެއް މާކެޓަށް ނެރުމަށް ވެސް ކޮކާ ކޯލާ އިން ވަނީ ނިންމައިފަ އެވެ.
މި ޖޫހަށް މިހާރު ވެސް އާންމުންގެ ފަރާތުން ބޮޑު ތަރުހީބެއް ލިބޭކަން ކޮކާ ކޯލާ އިން ފާހަގަ ކުރެ އެވެ.