ބޮލީވުޑްގެ ކުރީގެ ވަރަށް މަޝްހޫރު އެކްޓަރެެެއް ކަމަށްވާ ޖެކީ ޝްރޮފްގެ ފިރިހެން ދަރިފުޅު ޓައިގާ ޝްރޮފް ބޮލީވުޑަށް ތައާާރަފް ކުރާ ފިލްމް "ހީރޯޕަންޓީ" ގެ ފުރަތަމަ ޕޯސްޓަރާއި ޓްރެއިލާ މިއަދު އާންމުކޮށްފި އެވެ.
މި ފިލްްމު ސިނަމާތަކަށް އަންނާނީ މެއި 23 ގަ އެވެ.
ގިނަ ބަޔަކު މިހާރު ވެސް ކެތްތެރި ކަމެއް ނެތި އިންތިޒާރު ކުރަމުން އަންނަ "ހީރޯޕަންޓީ" ގައި ޓައިގާ އެކު ފެނިގެން ދާނީ ވެސް ބޮލީވުޑަށް މުޅިން އަލަށް ތައާރަފްވާ ބަތަލާއެކެވެ. އެއީ ކިރްތީ ސެނޮން އެވެ.
މިއީ ޖެކީގެ ދަރިފުޅުގެ ޓައިގާގެ ފުރަތަމަ ފިލްމަށްވާތީ އޭނާގެ އެކްޓިން ބަލާލަން ގިނަ ބަޔަކު ތިބީ ކެތްމަދުވެފަ އެވެ. "ހީރޯޕަންޓީ" އަށް ޓައިގާ ވަނީ އޭނާގެ ހަށިގަނޑު ވަރަށް ވަރުގަދަ އަށް ތައްޔާރުކޮށްފަ އެވެ.
މި ފިލްމަކީ ކާމިޔާބް ގިނަ ފިލްމުތަކެއް ބެލުންތެރިންނާ ހަމައަށް ގެނެސް ދީފައިވާ ސާޖިދު ނަދިއަދްވާލާ ޕްރޮޑިއުސް ކުރާ ފިލްމެކެވެ.
"ހީރޯޕަންޓީ" ޑައިރެކްޓްކޮށްފައި ވަނީ 2011 ވަނަ އަހަރު ނިކުތް ކަރީނާ ކަޕޫރާއި އަކްޝޭ ކުމާރު ލީޑް ރޯލުން ފެނިގެން ދިޔަ "ކަމްބަކްތު އިޝްގް" ގެ ޑައިރެކްޓަރު ސަބީރު ހާނެވެ.