(އެޕްރީލް 5، 2014 ވަނަ ދުވަހުގެ ބަޔާ ގުޅޭ)
އިލްޔާސް ވެރިކަން ހިންގެވުން
އިިލްޔާސާ އެޓޮލްސް މިނިސްޓަރުކަން ހަވާލު ކުރެއްވީ ރިޔާސީ އިންތިހާބުގެ މޫސުން ކުރިމަތިވަމުން އަންނަނިކޮށެވެ. އެ ބޭފުޅާގެ ގާބިލްކަމާއި ކެރިވަަޑައިގަތުން ވެގެން ދިޔައީ އަތޮޅުތެރެ އަށް ހާއްސަ އިނާޔަތެއް ބެހެއްޓެވުމަށް ސަރުކާރުން އެޅުއްވި ފިޔަވަޅެއް ކަހަލަ ކަމަކަށެވެ.
މިއީ ބޮޑު ކޮންނަ ބޯޓެއް ގެންނަވައި އެއިން އައްޑޫގެ ހިތަދޫ ފަޅު ކޮންނަވައި، އެ ރަށުގެ ބިމުން ބޮޑު ބައެއް ހިއްކަވާ ދެއްވި ދުވަސްވަރެވެ. ގަމުގެ ދެކުނު ފަޅީގައި ޕާކިސްތާން ކޭމްޕް ކިޔާ ސަރަހައްދުގައި ހުރި، އިނގިރޭސީން ގަމުގައި އުޅުނު ދުވަސްވަރުގެ އިމާރާތްތައް ނީލަމުގައި ވިއްކާ ލެވުނު ދުވަސްވަރެވެ.
އެ ސަރަހައްދަކީ ސިޓީ ހޮޓާ ހެދުމަށް ޕްލޭންކޮށް ބިލަށް ލުމަށް ތައްޔާރު ކުރެވޭ ސަރަހައްދެއް ކަމަށް ބުނެ އެވެ. ހީކުރެވިފައި އޮތީ މިއީ އިންތިހާބަށް ތައްޔާރުވުން ކަމުގަ އެވެ.
ނަމަވެސް އިންތިހާބުގެ ވަގުތު ކުޑަތަން ވެފައި ވަނިކޮށް ހަމަ ކުއްލިއަކަށް އިވިގެން ދިޔައީ ގާނޫނޫ އަސާސީ އާ ހިލާފަށް ރާއްޖޭގެ ރައީސުލްޖުމްހުރިއްޔާގެ މަގާމު ހޯއްދެވުމަށް އިލްޔާސް މަސައްކަތް ކުރައްވާ ވާހަކަ އެވެ.
އެކަން ފަޅާ އެރުމުގެ ސަބަބުން އެ މަނިކުފާނާ ހަވާލު ކުރައްވާފައިވާ ސަރުކާރުގެ ވަޒީފާތަކުން އަނެއްކާ ވެސް ވަކި ކުރެއްވި ވާހަކަ އެވެ. އެއީ އޮގަސްޓް 15، 1993 ގަ އެވެ.
މި ފަހަރު އިލްޔާސް ވެރިކަމަަށް ވަޑައިގަތުމަށް ގާނޫނާ ހިލާފަށް ކުރެއްވި ކަމެއްގެ މައްސަލަ ޝަރީއަތަށް ފޮނުއްވެވީ އެވެ. މިކަމުގައި އެ ބޭފުޅާ އަށް މަދަދު ދިން ފަރާތްތައް ކަމަށް ތުހުމަތު ކުރެވުނު މީހުންގެ ތެރޭގައި އައްޑޫގެ މަޝްހޫރު ވިޔަފާވެރިޔާ ހިތަދޫ ނިޔާޒް މުހައްމަދުދީދީ ވެސް ބަންދު ކުރެވުނެވެ. (ނުނިމޭ)
ނޯޓް: މިއީ ފޭދޫ އަލީ ފަހުމީ އަހުމަދު ސެޕްޓެމްބަރު 25، 2013 ގައި ނެރުއްވި "އައްޑޫ ގަން ހިންގުން" މި ފޮތެވެ.
"އައްޑޫ ލައިވް" ގައި މި ފޮތް ސިލްސިލާއެއްގެ ގޮތުގައި ޝާއިއު ކުރަން ހަދިޔާ ކުރެއްވި ކަމަށްޓަކައި، މި ނޫހުގެ ފަރާތުން ފަހުމީ އަށް ހާއްސަ ޝުކުރެއް އަރިސް ކުރަމެވެ.