އައްޑޫ ހިތަދޫ ގެއަކުން ވަގަށް ނެގި މޮބައިލް ފޯނެއް، ގަތް މީހަކި ހައްޔަރުކޮށްފި އެވެ.
ފުލުހުން ބުނީ މިދިޔަ އަންގާރަ ދުވަހު ވަގަށް ނެގި ފޯނު ގަތް މައްސަލާގައި 40 އަހަރުގެ ބިދޭސީއެއްގެ އިތުރުން އެ ފޯނު ވަގަށް ނެގި ކަމަށް ތުހުމަތުކުރެވޭ މީހާ ވެސް ހައްޔަރުކޮށްފައިވާ ކަމަށެވެ. ފޯނު ވަގަށް ނެގި މީހާ އަކީ 24 އަހަރުގެ ދިވެހި ފިރިހެނެކެވެ.
ވަގަށް ނަގައިގެން ނުއަގުގައި ވިއްކާ މިފަދަ ތަކެތި ނުގަތުމަށް ފުލުހުން ތަކުރާރުކޮށް އިލްތިމާސްކުރަމުން އަންނަ އިރު، ހިތަދޫގައި މި ފަހަކަށް އައިސް ވައްކަމުގެ ހާދިސާތައް ވަރަށް ގިނަ އެވެ.