ޖިންސީ ގޯނާގެ ގިނަ ތުހުމަތުތަކާ ގުޅިގެން ބޮލީވުޑުން އެކަހަރެކޮށްފައި ހުރި ޑައިރެކްޓަރު ސާޖިދު ޚާން ކަލާޒް ޗެނެލްގެ "ބިގް ބޮސް" ސީޒަން 16 އާ ގުޅިއްޖެ އެވެ.
ސަލްމާން ޚާން ހޯސްޓްކުރާ ޝޯ ރޭ ޕްރީމިއާކުރި އިރު މި ފަހަރުގެ ސީޒަންގައި ވާދަކުރާ ބައިވެރިންގެ ތެރެއިން އެކަކީ ސާޖިދެވެ. އޭނާ "ބިގް ބޮސް 16" ގައި ވާދަކުރާތީ ވަރަށް ގިނަ ބައެއްގެ ފާޑުކިޔުންތައް ވެސް މިހާރު ވަނީ އަމާޒުވާން ފަށައިފަ އެވެ. އެގޮތުން ޖިންސީ ގޯނާގެ ބޮޑެތި ތުހުމަތުތަކެއް ކުރެވޭ މީހަކު އެ ޝޯ އަށް ގެނެސް، އޭނަގެ މޫނުމަތި ރަނގަޅުކޮށްދޭން މަސައްކަތްކުރާ ކަމަށް ތުހުމަތުކޮށްފައިވެ އެވެ.
It is just horrible to see sexual assaulter and #Metoo convict Sajid Khan is given stage on a popular show in Indian television. #Bigboss and @viacom18 shame on you’.Is this the image makeover ur trying to bring in.#bigboss16 #BIGBOSS
— Smruti Pradhan (@smrutipradhan93) October 1, 2022
މަޝްހޫރު ޑައިރެކްޓަރު/ކޮރިއޮގްރާފަރު ފަރާ ޚާންގެ ކޮއްކޮ ސާޖިދަށް ޖިންސީ ގޯނާގެ ތުހުމަތުތަކެއް އެންމެ ފުރަތަމަ ކުރެވުނީ 2018 ގައި ފިލްމު "ހައުސްފުލް 4" ގެ ޑައިރެކްޓްކުރަމުން ދަނިކޮށެވެ. އެގޮތުން ފިލްމުތަކުން ފުރުސަތު ދޭނެ ކަމަށް ބުނެ ބަތަލާއިންނާއި ބައެއް ޒުވާން އަންހެނުންނަށް ސާޖިދު ޖިންސީ ގޯނާކޮށްފައިވާކަމުގެ ތުހުމަތުތައް ފެންމަތިވުމުން އޭނާ "ހައުސްފުލް 4" ގެ ޑައިރެކްޓަރުގެ ގޮނޑިން ވެސް ބޭލި އެވެ. އަދި އެ ފިލްމު 2019 ގައި ރިލީޒްކުރި ފަރުހާދު ސަމްޖީ ޑައިރެޓްކޮށެވެ.
Why would want to see Sajid Khan, that too in a Reality TV show #BiggBoss16?
For God's sake…he did not get suspended for any good reason.. a #Metoo offender https://t.co/t5nqbbjGKf
— Raman (@SaffronDelhite) October 1, 2022
ރޭ "ބިގް ބޮސް 16" ގެ ޕްރީމިއާގައި ސާޖިދު ބުނީ އޭނަ އަށް ކަތި ފިޔަވަޅުތަކެއް އެޅުނީ އަމިއްލަ ކާމިޔާބީ ބޮލަށް ސަވާރުވެގެން ކަމަށެވެ. އަދި އެކަމާ މިހާރު ހިތާމަކުރާ ކަމަށާއި އަމިއްލަ މަސައްކަތުން ހޯދި ކްރެޑިޓް ވެސް ގެއްލިފައިވާ ކަމަށެވެ. އެކަމަކު އެކަންވީ އެންމެ އިންސާފުވެރިކޮށް ނޫން ކަމަށާއި ކްރެޑިޓް ފޭރިގެންފައިވާ ކަމަށް ވެސް ބުނެފައިވެ އެވެ.
Lekar apne saath entertainment ki saugaat, aaye hai Sajid Khan! 😎
Dekhiye #BiggBoss16 Mon-Fri raat 10 baje aur Sat-Sun raat 9.30 baje, sirf #Colors par.#BB16 #BiggBoss #BiggBoss16GrandPremiere@beingsalmankhan#SajidKhan pic.twitter.com/CnXgJvsX1x
— ColorsTV (@ColorsTV) October 1, 2022
ސާޖިދު "ބިގް ބޮސް 16" އާ ގުޅުނު އިރު މިދިޔަ އޭނަ ވަނީ އާ ފިލްމެއް "100 ޕަސެންޓް" ގެ ނަމުގައި އިއުލާންކޮށްފަ އެވެ. ޓީ ސީރީޒަށް ހަދަން ނިންމާފައިވާ ފިލްމުގެ ކާސްޓުންނަކީ ޖޯން އަބްރަހަމާއި ރިތޭޝް ދޭޝްމުކާއި ނޯރާ ފަތުހީގެ އިތުރުން "ބިގް ބޮސް 13" ގައި ވާދަކުރި ޝެހެނާޒް ގިލް (ސަނާ) އެވެ.
Ghar ka pehla wake up call bana season ka aakhri wake up call. ⏰ Aise aur kitne rules hone wale hai break? 🤔
Dekhiye #BiggBoss16 Mon-Fri raat 10 baje aur Sat-Sun raat 9.30 baje, sirf #Colors par. Anytime on @justvoot.#BB16 #BiggBoss #BiggBossKhelGaye #BiggBossAnthem pic.twitter.com/C3ceSuA2DZ
— ColorsTV (@ColorsTV) October 1, 2022
ބެލުންތެރިންގެ ވަރަށް މަގުބޫލު ރިއަލިޓީ ޝޯއެއްގެ ގޮތުގައި ފާހަގަކޮށްވޭ "ބިގް ބޮސް 16" ގައި ވާދަކުރާ ބައިވެރިންނަކީ ނިމްރަތު ކޯރް އަހުލުވާލިއާ، އެމްސީ ސްޓޭން، ޓީނާ ދައްތާ، އަންކިތު ގުޕްތާ، ސުމްބުލް ތައުގީރް، އަބްދޫ ރޮޒިކް، މާޔާ ސިންގް، އަރްޗަނާ ގޯތަމް، ސައުންދަރިއާ ޝަރުމާ، ޝާލިން ބެނޮޓް، ސްރީޖިތާ ދޭ، ޝިވް ތަކާރޭ، ޕްރިޔަންކާ ޗާހަރް ޗައުދަރީ، ގޯތަމް ވިގް އަދި ގޯރީ ނަގޯރީ އެވެ.