ދުނިޔޭގެ ސިއްހަތު ދުވަސް ފާހަގަ ކުރުމުގެ ގޮތުން އައްޑޫގައި ހަރަކާތްތެރިވާ ދިވެހި ރެޑް ކްރެސެންޓާއި ހުޅުމީދޫ ސިއްޙީ މަރުކަޒު ގުޅިގެން ހާއްސަ ރޯޑް ޝޯވްއެއް ހުޅުމީދޫގައި ބާއްވައިފިއެވެ.
ރެޑް ކްރެސެންޓް އިސް އޮފިޝަލަކު ވިދާޅުވީ އައްޑޫގެ ރެޑްކްރެސެންޓުން އިސްނަގައިގެން ހުޅުމީދޫ ޔުނިޓުން ކުރިއަށް ގެންދިޔަ ރޯޑް ޝޯވްގައި އާއްމު ސިއްހަތަށް ސަމާލުކަން ދިނުމާއި، މަދިރި ކޮންޓްރޯލް ކުރުމުގެ އިތުރުން ރަނގަޅު ކާނާ ކެއުމަށާއި ބޭނުން ކުރުމަށް ވަނީ މައުލޫމާތު ދީފައެވެ.
ސ. އަތޮޅު މަދަރަސާގެ ސައިންސް ކްލަބާއި، ސ.ހުޅުމީދޫ ސިއްހީ މަރުކަޒުގެ ބައިވެރިވުމާއި އެކު ކުރިއަށްގެންދިޔަ ރޯޑް ޝޯވްގައި ގިނަ ބަޔަކަށް މައުލޫމާތު ފޯރުވައި ދެވުނު ކަމަށް ރެޑް ލްރެސެންޓް ހުޅުމީދޫ ޔުނިޓުން ބުނެއެވެ.
ރެޑް ކްރެސެންޓުން ބުނީ ސިއްހަތު ދުވަސް ފާހަގަ ކުރުމަށް މިއަންނަ ހުކުރު ދުވަހު ކުޑަކުދިންގެ ހަވީރެއް ބެއްވުމަށް ނިންނާފައިވާ ކަމަށެވެ.
