ސަރުކާރުގެ ސްކޮޕަޝިޕްގައި މެންޓަލް ހެލްތު ދާއިރާ އިން ފަސް މީހަކު މާސްޓާސް ކިޔަވަން ފަށާފައިވާ ކަމަށް ހަޔަ އެޑިއުކޭޝަން މިނިސްޓްރީން ބުނެފި އެވެ.
އިއްޔެ ފާހަގަކުރި ވޯލްޑް މެންޓަލް ހެލްތު ޑޭއާ ގުޅިގެން އެ މިނިސްޓްރީން ކުރި ޓްވީޓެއްގައި ބުނީ ސަރުކާރުން ހުރިހާ ހަރަދެއް ދީގެން ފެށި "މެންޓަލް ހެލްތު އެންޑް ޑިސަބިލިޓީސް ސްކޮލަޝިޕް 2021" ޕްރޮގްރާމްގެ ތެރެއިން ފަސް ދަރިވަރަކު މާސްޓަ އޮފް ސައިންސް އިން އެޑިކްޝަން ސްޓަޑީސް އަށް އިއްޔެ ކިޔަަން ފަށާފައި ވަނީ މޯލްޓާ ޔުނިވަސިޓީގައި ކަމަށެވެ.
FIVE students selected under the "Mental Health and Learning Disabilities Scholarship 2021" to study for "Master of Science in Addiction Studies" have started their programme at University of Malta today. This programme is fully funded by the government.
— Ministry of Higher Education (@MoHEmv) October 10, 2022
ނަފުސާނީ ދުޅަހެޔޮކަމާ ގުޅުން ހުރި ދާއިރާތަކުން މާސްޓާސް ފެންވަރުގެ 30 ސްކޮލަޝިޕަށް އެދުމުގެ ފުރުސަތު ހުޅުވާލާނެކަން ރައީސް އިބްރާހިމް މުހައްމަދު ސޯލިހު އިއުލާން މިދިޔަ އަހަރުގެ އޯގަސްޓް މަހުގެ ތެރޭގަ އެވެ. އޭގެ ފަހުން އެ އަހަރުގެ ސެޕްޓެމްބަރުގައި ސްކޮލަޝިޕަށް އެދުމުގެ ފުރުސަތު ހަޔަ އެޑިއުކޭޝަން މިނިސްޓްރީން ހުޅުވާލި އެވެ
ހެލްތް މިނިސްޓްރީން ބުނެފައިވާ ގޮތުގައި ނަފުސާނީ ބަލިތަކަށް ފަރުވާ ދިނުމަށްޓަކައި މި ވަގުތު އޮތް އެންމެ ބޮޑު އެއް ގޮންޖެހުމަކީ ފަރުވާ ދޭނެ ތަމްރީން ލިބިފައިވާ ދިވެހިން މީހުން މަދުވުމެވެ. އެހެންވެ އެ ދާއިރާ އިން މީހުން ތަމްރީން ކުރުމަކީ ސަރުކާރުން މިހާރު ވަރަށް ބޮޑު އިސްކަމެއް ދެމުން އަންނަ ކަމެކެވެ.