އުރަމަތީގެ ކެންސަރަށް ސްކްރީންކުރުމުގެ ކޭމްޕެއް އައްޑޫގައި ބާއްވަން ނިންމައިފި އެވެ.
މި ކެމްޕޭންގެ ދަށުން މި މަހުގެ 21 ގައި ހިތަދޫ ނޫރާނީ ސްކޫލާއި 22 ވަނަ ދުވަހު ހުޅުމީދޫ ސިއްހީ މަރުކަޒުގެ އިތުރުން 23 ގައި މަރަދޫ ސިއްހީ މަރުކަޒުގައި އުރަމަތީގެ ކެންސަރަށް ސްކްރީން ކުރުން ކުރިއަށް ގެންދަން ވަނީ ނިންމައިފަ އެވެ.
އެ އެވަށްތަކުގައި ކޭމްޕް ކުރިއަށް ގެންދަން ނިންމި ދުވަސްތަކުގައި ސްކްރީނިން ކުރިއަށް ދާނީ ހަވީރު 4:00 އިން 6:30 އަށެވެ.
އުރަމަތީގެ ކެންސަރަށް އައްޑޫގައި ސްކްރީންކުރަން ކުރިއަށް ގެންދާ ކޭމްޕަކީ ކެންސަ ސޮސައިޓީ އާއި އައްޑޫ އިކްއެޓޯރިއަލް ހޮސްޕިޓަލް (އޭއީއެޗް) އާއި އައްޑޫ ސިޓީ ކައުންސިލާއި އައްޑޫގެ އަންހެނުންގެ ތަރައްގީ އަށް މަސައްކަތްކުރާ ކޮމިޓީ އާއި ދަމަނަވެއްޓާއި ހިތަދޫގައި ހިންގާ އައިއެމްޑީސީ ގުޅިގެން ކުރިއަށް ގެންދަން ހަމަޖެހިފައިވާ ކޭމްޕެކެވެ.
އުރަމަތީގެ ކެންސަރަށް ހޭލުންތެރިކަން އުފެއްދުމުގެ ގޮތުން މިހާރު ކެންސަ ސޮސައިޓީން އަންނަނީ ތަފާތު ހަރަކާތްތަކެއް އައްޑޫގައި ހިންގަމުންނެވެ.