ސަރުކާރުން ޓެކްސް ބޮޑު ކުރުމަށް ހުށަހެޅި ބިލާއި ދެކޮޅަށް ވޯޓު ދެއްވި މެމްބަރުންނަކީ ސިއްހީ ދާއިރާގެ މުވައްޒަފުންނާއި، ހާއްސަ އެހީއަށް ބޭނުންވާ ފަރާތްތަކުގެ އެލެވެންސް ބޮޑު ކުރުމާއި، ރާއްޖޭގެ ތަރައްޤީ އާއި ދެކޮޅު މެމްބަރުންކަމަށް އައްޑޫ މަރަދޫ ދާއިރާގެ މެމްބަރު އިބްރާހިމް ޝަރީފު (މަވޯޓާ ޝަރީފު) ވިދާޅުވެއްޖެ އެވެ.
ޓެކްސް ބޮޑު ކުރުމަށް ސަރުކާރުން ހުށަހެޅި އިސްލާހު ފާސް ކުރުމަށް މިއަދު ވޯޓަށް އެހުމުން 19 މެމްބަރަކު ވަނީ އެ އިސްލާހާ ދެކޮޅަށް ވޯޓު ދީފައެވެ. އޭގެ ތެރޭގައި އެމްޑީޕީގެ މެމްބަރުން ހިމެނެއެވެ.
– ސިއްޙީ ދާއިރާގެ މުވައްޒަފުންގެ މުސާރަ ބޮޑު ކުރުމާ އި ދެކޮޅުވި 19 މެމްބަރުން
– ނުކުޅެދުންތެރިކަން ހުންނަ ފަރާތްތަކުގެ އެލަވަންސް ބޮޑުކުރުމާ ދެކޮޅަށް ވޯޓް ދިން 19 މެމްބަރުން
– ރާއްޖޭގެ ރައްތަށް ތަރައްޤީ ކުރުމާއި ދެކޮޅަށް ވޯޓްދިން 19 މެމްބަރުން pic.twitter.com/V07knefUfn— Addu Shareef (@Shareef_Addu) October 31, 2022
ޝަރީފު މިއަދު ކުރެއްވި ޓްވީޓެއްގައި 19 މެމްބަރުންގެ ފޮޓޯ އާއި އެކު ވިދާޅުވީ އެ 19 މެމްބަރުންނަކީ ސިއްހީ ދާއިރާގެ މުވައްޒަފުންގެ މުސާރަ ބޯދު ކުރުމަށް ދެކޮޅު މެމްބަރުން ކަމަށެވެ. އަދި އެ 19 މެމްބަރުންނަކީ ނުކުޅެދުންތެރިކަން ހުންނަ ފަރާތްތަކުގެ އެލަވެންސް ބޮޑު ކުރުމަށް ވެސް ދެކޮޅު މެމްބަރުން ކަމަށެވެ. އަދި އެ 19 މެމްބަރުންނަކީ ރާއްޖޭގެ ރަށްތައް ތަރައްޤީ ކުރުމާއި ދެކޮޅަށް ވޯޓު ދިން 19 މެމްބަރުން ކަމަށެވެ.
ޓެކްސް އިތުރު ކުރުމާއި އެކު އަންނަ އަހަރަށް 42.6 ބިލިއަން ރުފިޔާގެ ބަޖެޓެއް ވަނީ މިއަދު މަޖްލިސްއަށް ހުށަހަޅުއްވާފައެވެ. ބަޖެޓު ހުށަހަޅުއްވަމުން ފިނޭންސް މިނިސްޓަރު އިބްރާހިމް އަމީރު ވިދާޅުވީ ސަރުކާރުން ރާވާފައިވާ ގޮތަށް ޖީއެސްޓީ އާއި ޓީޖީއެސްޓީ ބޮޑުނުކޮށް އަދި ދައުލަތުގެ ހަރަދުތައް ކުޑަނުކޮށްފި ނަމަ، ބަޖެޓުގެ ޑެފިސިޓް 14 ބިލިއަން ރުފިޔާއަށް އަރާނެ ކަމަށެވެ.