ހިތަދޫ ކުޑަކުދިންގެ ޕާކާއި، ރޮޔަލް ޕްލަސް އާއި ދިމާލު އެކި ސަރަހައްދުތަކުގައި މަސް ވިއްކާ ފަރާތްތަކާއި މެދު ފިޔަވަޅު އަޅާނެކަމަށް އައްޑޫ ސިޓީ ކައުންސިލުން ބުނެފި އެވެ.
ކައުންސިލުން ބުނީ ކުޑަކުދިންގެ ޕާކާއި، ރޮޔަލް ޕްލަސް އާއި ދެމެދު ސަރަހައްދު ތަކުގެ ބިންމަތީ މަސް ބަހައްޓައިގެން ވިއްކާ ފަރާތްތަކާއި މެދު ފުލުހުން މެދުވެރިކޮށް ފިޔަވަޅު އަޅާނެކަމަށެވެ.
ކައުންސިލުން ބުނީ މަގުގެ އެއްފަރާތުގައި މަސް ބަހައްޓައިގެން ވިއްކުމަކީ މަސްގަންނަން ދާ ފަރާތްތަކާއި އަދި މަސްވިއްކަން ތިބޭ ފަރާތްތަކަށް އެންމެ ރައްކާތެރި ގޮތް ނޫންކަމަށެވެ. އަދި އެސަރަހައްދުގެ ޓްރެފިކް ހުންނަ ގޮތުން ނުރައްކާތެރި އެކްސިޑެންޓެއް ހިގުމަކީ އެކަށީގެންވާ ކަމެއް ކަމަށެވެ.
ކޮމްޕްރެހެންސިވް ސްކޫލުން ފެށިގެން ހިތަދޫ ކުޑަކުދިންގެ ޕާކް ހިމެނޭ ސަރަހައްދުގެ ލިންކް ރޯޑްގެ އެއްފަރާތުގައި މަސް ބަހައްޓައިގެން ވިއްކުމަކީ އާއްމުކަމެކެވެ.
އަދި އެގޮތަށް މަސްވިއްކާ ފަރާތްތަކުން މަސް ބޮލާއި، ކަރުގޮހުރު ފަދަ ތަކެތި އެހިސާބުގެ އެތަން އުކުމުގެ ސަބަބުން ކުނިވަސް ދުވާ އެހިސާބުގެ ސާފުތާހިރުކަން ގެއްލެމުންދާ ކަމަށް ކައުންސިލުން ބުނެއެވެ.