އޭއެފްސީ ޗެލެންޖްގެ ގްރޫޕް ބީގެ ޓީމް ތައް ޕްރެކްޓިސް ކުރުމަށް ހަމަޖެހިފައިވާ މީދޫ ފުޓްބޯޅަ ދަނޑު ލެވެލް ކުރުމުގެ މަސައްކަތް ފަށައިފި އެވެ.
މޯލްޑިވްސް ރޯޑް ޑިވެލޮޕްމެންޓް ކޯޕަރޭޝަން (އެމްއާރްޑީސީ) އާއި އެމްއެންޑީއެފް ގުޅިގެން ދަނޑު ލެވެލް ކުރުމުގެ މަސައްކަތް ފަށާފައިވަނީ އިއްޔެ ހަވީރު އެވެ.
އެމްއާރްޑީސީގެ އިސް އޮފިޝަލަކު ވިދާޅުވީ މީދޫ ދަނޑު ލެވެލް ކުރުމުގެ މަސައްކަތް ކުރިއަށްދާ އިރު ހިތަދޫ ޒޯން ސްޓޭޑިއަމް ލެވެލް ކުރުމުގެ މަސައްކަތް ވެސް ރޯޑް ކޯޕަރޭޝަނުން ކުރިއަށް ގެންދާ ކަމަށެވެ.
މީދޫ ފުޓްބޯޅަ ދަނޑުގައި ވިނަ އިންދުމުގެ މަސައްކަތް އެރަށު ޒުވާނުން ކުރަމުން އަންނަ އިރު ދަނޑަށް ބޭނުންވާ ގަސްކާނާ ޔޫތު މިނިސްޓްރީން ވަނީ އެރަށައް ފޮނުވައިފަ އެވެ.
ޗެލެންޖް ކަޕްގައި ބައިވެރިވާ ގްރޫޕް ބީގެ ޓީމް ތިބުމަށް ހަމަޖެހިފައިވަނީ ހެރެތެރެ ރިސޯޓްގައެވެ.