(އެޕްރީލް 28، 2014 ވަނަ ދުވަހުގެ ބަޔާ ގުޅޭ)
ދަންވަރު ގެތަކަށް ވަދެ އެމްޑީޕީގެ އެކްޓިވިސްޓުން ހައްޔަރު ކުރުން
ދެހާސް ފަސް ވަނަ އަހަރުގެ ތެރޭގައި އައްޑު އަތޮޅު އަތޮޅު އޮފީސް ކުރިމަތީގައި މުޒާހަރާ ކުރި އެމްޑީޕީގެ އެކްޓިވިސްޓުންގެ ތެރެއިން އިސްކޮށް ހަރަކާތްތެރިވި ކަމަށް ބެލެވުނު ފަރާތްތައް ހިފައި ހައްޔަރު ކުރުމަށް ސިފައިން ހިންގި އޮޕަރޭޝަނަށް ގެނައި ހާއްސަ ފޯސް ގަމުގެ އެއާޕޯޓަށް ފޭބީ ދަންވަރު ވަގުތެއްގަ އެވެ.
އައްޑު އަށް އައި ސިފައިން ހަމަ ވަގުތުން ރަށްރަށަށް އަރައި ގޭގެ އަށް ވަދެ ގަނެ، މީހުން ހައްޔަރު ކުރުމުގެ މަސައްކަތް ފެށި އެވެ. މާސްކް އަޅައިގެން ތިބި ސިފައިން ހަތިޔާރާ އެކު ވަން ގޭގެއިން މީހުން ހައްޔަރުކޮށް ބިޑް އަޅުވައިގެން ދިޔައި ބިރުވެރި ގޮތަކަށެވެ.
ބަޑި ހިފައިން ތިބި ސިފައިން ދަންވަރު ގޭގެ އަށް ވަދެ މީހުން ނިދާފައި ތިއްބައި ހޭލައްވައިގެން ކުޑަކުދިންގެ ކުރިމަތިން އެ ކުދިންގެ ބައްޕައިން އެ ގެންދިޔަ ހަރުކަށި ގޮތަކީ އިންސާނިއްތާ ހިލާފު އަމަލެއްގެ ގޮތުގައި އެމްޑީޕީން ސިފަ ކުރި އެވެ. އަދި ވަރަށް ހަރުކަށި އިބާރާތްތަކުން އެކަން ކުށްވެރިކޮށްފައިވެ އެވެ. (ނުނިމޭ)
ނޯޓް: މިއީ ފޭދޫ އަލީ ފަހުމީ އަހުމަދު ސެޕްޓެމްބަރު 25، 2013 ގައި ނެރުއްވި "އައްޑޫ ގަން ހިންގުން" މި ފޮތެވެ.
"އައްޑޫ ލައިވް" ގައި މި ފޮތް ސިލްސިލާއެއްގެ ގޮތުގައި ޝާއިއު ކުރަން ހަދިޔާ ކުރެއްވި ކަމަށްޓަކައި، މި ނޫހުގެ ފަރާތުން ފަހުމީ އަށް ހާއްސަ ޝުކުރެއް އަރިސް ކުރަމެވެ.